Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Алексей Иноземцев

Алексей Михайлович Иноземцев (13 март 1912, Наручат[d], Пенза губернасы — 27 октябрь 1967, Белорет, Белорет районы, Башкорт Автономияле Совет Социалистик Республикасы, РСФСР, СССР) — Башкорт АССРның Белорет металлургия заводы мартен цехы корыч коючысы. Социалистик Хезмәт Герое (1958).

Тәрҗемәи хәле

Алексей Михайлович Иноземцев 1912 елның 13 мартында Пенза губернасының Наровчат авылында туа[2].

Белеме — башлангыч. Хезмәт юлын 1930 елда Астрахань өлкәсенең Гурьев шәһәрендәге балык кәсебендә балыкчы булып башлый. 1933 елдан Белорет металлургия заводының мартен цехында корыч коючы ярдәмчесе вазифасында эшли. 1939—1940 елларда совет-фин сугышында катнаша. Кызыл Армия сафларыннан демобилизацияләнгәннән соң, металлургия комбинатының мартен цехына кайта. Бөек Ватан сугышы вакытында җитештерү броне булу сәбәпле фронтка алынмый һәм тылда комбинатта хезмәт итә, 1943 елдан корыч коючы булып эшли[3].

Беренче класслы белгеч булып, югары сыйфатлы чуен һәм корыч маркаларын эретүне үзләштереп, Алексей Иноземцев продукция алу процессын даими камилләштерә, эретмәләрне чыгару срокларын кыскартуга ирешә. 1958 елның беренче яртыеллыгында гына да Алексей Иноземцев бригадасы планнан тыш 111 тонна корыч эретә. 1948—1957 елларда Белорет металлургия комбинаты коллективы корыч эретүне ике тапкырдан артыкка арттыра, хезмәт җитештерүчәнлеген сизелерлек күтәрә, металл һәм метизларның үзкыйммәтен киметә. Монда Алексей Иноземцевның өлеше зур була.

Кара металлургияне үстерү эшендә ирешкән зур уңышлары өчен, СССР Югары Советы Президиумының 1958 елның 19 июлендәге Указы белән Алексей Иноземцевка Социалистик Хезмәт Герое исеме бирелә.

1962 елда пенсиягә чыкканчы Белорет металлургия комбинатында эшли[3].

Алексей Иноземцев 1967 елның 27 октябрендә Белоретта вафат була.

Бүләкләре, мактаулы исемнәре

Искәрмәләр

  1. ↑ Башкирская энциклопедия (рус.) — Башкирская энциклопедия, 2005. — 4344 с. — ISBN 978-5-88185-053-1
  2. ↑ Иноземцев Алексей Михайлович. Башкирская энциклопедия. Мөрәҗәгать итү датасы: 15 июль 2026.
  3. ↑ 1 2 Иноземцев Алексей Михайлович. Герои страны. Мөрәҗәгать итү датасы: 15 июль 2026.

Әдәбият

  • Герои труда/ Справочник о Героях Социалистического Труда и кавалерах ордена Трудовой Славы трех степеней из Башкортостана./ сост. Р. А. Валишин [и др.]. — Уфа : Китап, 2011. — 432 с. — ISBN 978-5-295-05228-6.
  • Башкирская энциклопедия / Гл. ред. М. А. Ильгамов. — Уфа: Башкирская энциклопедия, 2007. — Т. 3: З-К. − 672 с. ISBN 978-5-88185-064-7

Сылтамалар

«Ил геройлары» халыкара патриотик интернет-проектында  Иноземцев Алексей Михайлович

Төркемнәр