Биләл Җидеханов
| Биләл Җидеханов | |
|---|---|
| Туган көне | 12 март 1934 |
| Туган | |
| Вафат көне | 12 февраль 2011 (76 яшь) |
| Вафат булган җире | |
| Ил | |
| Эшчәнлеге | галим |
| Бүләк һәм премияләр |
  |
Биләл Җидеханов (Биләл Исмәгыйль улы Җидеханов, 12 март 1934 — 12 февраль 2011 (76 яшь)) — инженер-механик, СССР дәүләт премиясе лауреаты (1985), «Авангард» заводының баш инженеры (Сафоново ш., 1984-1986), «Шихан» сыра-алкогольсез эчемлекләр комбинатында җитештерү башлыгы (1986-2004).
Тәрҗемәи хәле
Биләл Исмаил улы Җидеханов 1934 елның 12 мартында Иске Кулатка районының Александровка авылында (хәзер Ульян өлкәсе) туа.
1959 елда инженер-механик белгечлеге буенча Казан химия-технология институтын тәмамлаган.
Институтны тәмамлагач, «Авангард» заводында төрле вазыйфаларда эшли: 1970 елдан — махсус конструкторлык-технология бюросы башлыгы, 1984 елдан — баш инженер. 1986-2004 елларда - Стәрлетамакта «Шихан» сыра һәм алкогольсез эчемлекләр комбинатының җитештерү начальнигы, технологияне камилләштерү, заманча җиһазлар кертү буенча күп эш башкарган.
Аның җитәкчелегендә «Авангард» заводында автоматлаштырылган агым линияләре, дистанцион идарә итү модульләре, роботлаштырылган производстволар эшләнгән һәм гамәлгә кертелгән. Аның күп кенә эшләнмәләре беренче тапкыр «Авангард» заводында кертелде һәм сыналды, аннары илнең туганчыл предприятиеләрендә, Красноярск, Бийск, Каменский-Шахта химия комбинатларында файдаланылды. Ун елдан соң гына конструктор эшчәнлеге турында кыскача гына сөйләү мөмкинлеге барлыкка килде, чөнки ул яшеренлек астында иде.
Җидеханов Биләл Исмаил улының 26 авторлык таныклыгы һәм уйлап табуларга 4 патенты бар. 11 басма эш авторы.
Биләл Җидеханов 2011 елның 12 февралендә вафат була һәм Стәрлетамакта җирләнә.
Бүләкләре
- «Хөрмәт билгесе» ордены (1976).
- СССР дәүләт премиясе (1985) - дары һәм ракета ягулыгы нитрациясен автоматлаштырган өчен.