Василий Орлов

2002 елдан 2007 елга кадәр «Амур-сыйфат» өлкә дәүләт унитар предприятиесе генераль директоры вазифасын башкара^[8].

2007 елдан 2008 елга кадәр алкогольле продукция җитештерү белән шөгыльләнә торган «Амурский кристалл» ААҖ генераль директоры. Амур өлкәсе массакүләм мәгълүмат чараларында алкогольле продукциягә кагылышлы мәсьәләләр буенча белгеч буларак чыгыш ясый^[9].

2005 елның 27 мартында IV чакырылыш Благовещенск шәһәр Думасы депутаты итеп сайлана (969 тавыш җыя)^[10].

2007 елда «Бердәм Россия» фиркасенә керә. Фирканең Амур региональ сәяси советы әгъзасе була^[11].

2008 елның 6 октябрендә Василий Орлов Благовещенск мэры Александр Мигуляның икътисад буенча урынбасары итеп билгеләнә^[12]. Александр Мигуля вазифасыннан читләштерелгәч, отставкага китү турында карар кабул итә, әмма бу вазифада 2010 елның 31 маена кадәр эшли^[13][14].

2012 елның 11 мартында Павел Березовский Благовещенск администрациясе башлыгы киңәшчесе итеп билгеләнә^[15].

2012 елның августында Амур өлкәсе хөкүмәтенә эшкә күчә^[16]. 2012 елның 1 августында өлкә икътисади үсеш министры урынбасары вазифасына^[17], 2013 елның 28 маенда икътисади үсеш министры итеп билгеләнә. 2015 елның 28 сентябрендә яңа эш урынына күчү сәбәпле, бу вазифадан азат ителә^[18].

Амур өлкәсе икътисади үсеш министры эшеннән киткәннән соң, Василий Орлов «Сибур» нефть химиясе холдингына эшкә күчә^[19]. Анда ул компаниянең регионда генераль директоры вазифасын били, холдингның газ химиясе һәм газ эшкәртү өлкәсендәге проектны гамәлгә ашыру белән бәйле мәнфәгатьләрен тәкъдим итә^[20]. 2017 елда «СИБУР» компаниясе җитәкчелеге Орловны Мәскәүгә, кадрлар әзерләү блогына күчерә, шунда ук ул компаниянең корпоратив университеты киңәшчесе була^[21].

2014 елның декабрендә Александр Козлов белән бергә (ул вакытта Благовещенск мэры), РФ Президенты патронаты астында идарәче кадрлар резервына керә^[22].

2018 елның 30 маенда РФ Президенты Владимир Путин Василий Орлов белән эшлекле очрашу уздыра. Анда ул Амур өлкәсе Губернаторы Александр Козловның вәкаләтләре вакытыннан алда туктатылу сәбәпле, аны губернатор вазифаларын вакытлыча башкаручы итеп билгеләү турында карар кабул итә^[23][24].

Тиздән ул төбәк губернаторын сайлауда катнашырга теләк белдерә^[25][26].

2018 елның 9 сентябрендә, бердәм тавыш бирү көнендә, Амур өлкәсе Губернаторы итеп сайлана^[27].

2018 елның 27 сентябрендә Амур өлкәсе Губернаторы вазифасына керешә^[28][29].