Викторина Капитонова

Капитонова Россиянең Чабаксар шәһәрендә туган. Ул умартачы Валерий Капитонов һәм Галина Капитонова гаиләсендә үсә. Балет белән 12 яшендә Чабаксар опера һәм балет театры каршындагы студиядә шөгыльләнә башлый (педагогы — Чувашиянең атказанган артисткасы, Россиянең атказанган мәдәният хезмәткәре Галина Никифорова).

13 яшендә Капитонова Татарстан Республикасының атказанган артисткасы Валентина Давлеева классына — Казан хореография училищесына кабул ителә. Уку йортының сәнгать җитәкчесе СССР балеринасы һәм педагогы Нинель Юлтыева була. Уку вакытында Краснодарда «Россиянең яшь балеты» призлы урынын яулый (жюри рәисе — Юрий Григорович), шулай ук Мәскәү дәүләт хореография академиясендә стажировка үтәргә чакырыла. 2005 елда училищены тәмамлагач, Муса Җәлил исемендәге Татар академия дәүләт опера һәм балет театрына солистка буларак чакырыла. Биредә ул «Лебединое озеро», «Спящая красавица», «Дон Кихот», «Баядерка», «Коппелия» һәм «Шүрәле» балетларында соло партияләрен башкара ^[1]. «Арабеск» конкурсы лауреаты ^[2] һәм П. И. Чайковский исемендәге Пермь опера һәм балет театрының махсус призы иясе. 2008/2009 еллар сезоныннан башлап Мәскәүдәге Станиславский һәм Немирович-Данченко исемендәге музыкаль театрда эшли.

2009/2010 еллар сезонында Цюрих опера театрына әйдәп баручы солистка буларак чакырыла. Капитонова төрле заманча хореографик стильләрдә һәм классик балетларда төп рольләрне башкара, Sporli редакциясендәге «Лебединое озеро» балетында Одиллия/Одетта роле аның иҗатында аерым урын алып тора. 2012/2013 еллар сезонында балет директоры итеп Кристиан Шпук билгеләнә.

Капитонова Загребтагы Хорватия милли театрында D. Dean редакциясендәге «Аккош күле» балетында Одетта/Одилия партиясен башкарырга чакырыла. Шулай ук ул Roberto Bolle and Friends ^[3] һәм Marika Besobrazova кебек халыкара балет гала-концертларында еш чыгыш ясый.

2014 елда Кристиан Шпук махсус Капитонова өчен Лев Толстойның «Анна Каренина» романы буенча балет иҗат итә.

2015 елда Капитонова Цюрих опера театры сәхнәсендә Patris Bart редакциясендәге «Жизель» балетында халыкара йолдызлар Roberto Bolle һәм Friedemann Vogel белән бергә Жизель партиясен башкара.