Рус телендәге версияПартнёрлык проектларыМахсус проектлар
Күренешне көйләүТелне алыштыру
РУВИКИ ТУРЫНДА

Владимир Чариков

Владимир Петрович Чариков (23 октябрь 1949, Уфа, Башкорт Автономияле Совет Социалистик Республикасы, РСФСР, СССР — 17 гыйнвар 2015, Уфа, Башкортстан, Россия) — СССР хоккейчысы, СССР һәм Россия хоккей тренеры һәм спорт функционеры. Россиянең атказанган тренеры (1992), Башкортстан Республикасының атказанган физик культура хезмәткәре (1998), «Салават Юлаев» (Уфа) хоккей клубы осталар командасының күпьеллык администраторы һәм башлыгы[1].

Тәрҗемәи хәле

Владимир Петрович Чариков 1949 елның 23 октябрендә Башкортстан АССРның Уфа шәһәрендә туа[1].

Уфа шәһәренең Салават Юлаев исемендәге спорт клубы хоккей мәктәбендә тәрбияләнүче, 1977 елда Ленинградта П. Ф. Лесгафт исемендәге Дәүләт физик культура институтын «тренер-укытучы» белгечлеге буенча тәмамлый[1].

Спорт карьерасын тәмамлаганнан соң, Уфада алкалы хоккей системасында тренерлык, педагогик һәм оештыру-административ эшләрдә эшли[2].

Озакка сузылган каты авырудан соң 2015 елның 17 гыйнварында Уфада 66 нчы яшендә вафат була, шәһәрнең Көньяк зиратында җирләнгән[2].

Спорт эшчәнлеге

Уен карьерасы

Һөҗүмче позициясендә чыгыш ясый: 1967—1970 елларда Салават Юлаев исемендәге СК (Уфа) командасы төсләрен яклый, 1970—1972 елларда СКА (Куйбышев) өчен уйный, 1974—1976 елларда Уфаның "Авангард"ы составында чыгыш ясый[3].

Тренерлык эше

1972 елдан «Салават Юлаев» Олимпия резервындагы махсуслаштырылган балалар-яшүсмерләр спорт мәктәбе тренер-укытучысы булып эшли һәм бер үк вакытта 1987 елда «Зенит» ирекле спорт җәмгыяте Үзәк советының яшүсмерләр җыелма командасының өлкән тренеры була[1].

Аның җитәкчелегендә «Салават Юлаев» Олимпия резервындагы махсуслаштырылган балалар-яшүсмерләр спорт мәктәбе яшүсмерләр командасы — арасында СССР беренчелегенең көмеш призеры(1988, 1989)[4].

Аның тәрбияләнүчеләре арасында — халыкара класслы СССР спорт остасы Анатолий Анатольевич Емелин, шулай ук уннан артык СССР һәм Россия спорт остасы бар[1].

Административ эшчәнлеге

1991 елдан — баш администратор. 1999—2010 елларда — «Салават Юлаев» хоккей клубының төп командасы башлыгы булып эшли[5].

Ул административ җитәкчелектә катнашкан чорда «Салават Юлаев» Милләтара хоккей лигасы чемпионатларының бронза медальләрен (1995, 1996), Россия чемпионатының бронза медальләрен (1997) яулый. Суперлигада Россия чемпионы (2008) һәм Кыйтга хоккей лигасы чемпионатының бронза призеры (2010) була[1].

Ул — 2010—2011 елларда «Салават Юлаев» хоккей клубының ярышларны оештыру буенча белгече[6].

Бүләкләре һәм мактаулы исемнәре

  • Алкалы хоккей буенча Россиянең атказанган тренеры (1992);
  • Башкортстан Республикасының атказанган физик культура хезмәткәре (1998)[1].

Гаиләсе

Улы — Анатолий Чариков, «Салават Юлаев» хоккей клубы спорт мәктәбенең административ-техник штабы белгече[7].

Искәрмәләр

  1. ↑ 1 2 3 4 5 6 7 Башкирская энциклопедия. Чариков Владимир Петрович (рус.). Региональный интерактивный энциклопедический портал «Башкортостан» (10 октябрь 2019). Мөрәҗәгать итү датасы: 27 август 2026.
  2. ↑ 1 2 ГТРК «Башкортостан». На 66-м году жизни скончался Владимир Петрович Чариков (рус.). Башкирское спутниковое телевидение (19 гыйнвар 2015). Мөрәҗәгать итү датасы: 27 август 2026.
  3. ↑ Хоккей в цифрах. Чариков Владимир Петрович (рус.). Хоккей в цифрах (18 май 2020). Мөрәҗәгать итү датасы: 27 август 2026.
  4. ↑ Пресс-служба ХК «Салават Юлаев». История спортивной школы ХК «Салават Юлаев» (рус.). Официальный сайт ХК «Салават Юлаев» (1 сентябрь 2022). Мөрәҗәгать итү датасы: 27 август 2026.
  5. ↑ Артур Хайруллин. Он продавал машину легендарного Михалёва, помнит суперсерию и выбивал клюшки молодым (рус.). БИЗНЕС Online (8 гыйнвар 2023). Мөрәҗәгать итү датасы: 27 август 2026.
  6. ↑ R-Hockey. Чариков Владимир Петрович (рус.). Российский хоккей (r-hockey.ru) (20 гыйнвар 2015). Мөрәҗәгать итү датасы: 27 август 2026.
  7. ↑ Пресс-служба ХК «Салават Юлаев». Сотрудники спортивной школы «Салават Юлаев» (рус.). Официальный сайт ХК «Салават Юлаев» (10 май 2024). Мөрәҗәгать итү датасы: 27 август 2026.

Әдәбият

  • Чариков Владимир Петрович // Башҡорт энциклопедияһы (Башкорт энциклопедиясе). 7 томда / баш мөхәррир М. А. Илһамов. — Уфа: Башкирская энциклопедия, 2011. — 7-нче том: Ф — Я. — 272 б. — 624 б. — ISBN 978-5-88185-075-3.
  • Хоккей в Уфе: летопись побед (Уфада хоккей: җиңүләр елъязмасы) / төзүче В. Н. Пахомов. — Уфа: Башкортстан китап нәшрияты, 2008. — 240 б.

Сылтамалар

Төркемнәр