Мерьем Узерли

Мерьем Узерли 1983 елның 12 августында Германиянең Кассель шәһәрендә туган. Гаиләдә дүртенче бала була^[14] (олуг ике туганы Денни һәм Кристофер әнисенең беренче никахыннан һәм олуг бертуган апасы — Джанан Зерли — немец-төрек җырчысы). Әтисе Хөсәен — төрек, ә әнисе Урсула — алман хатыны^[15].

2000—2003 елларда Мерьем Узерли Гамбург шәһәрендә Фреза драма студиясы актеры осталыгына өйрәнә^[6][16]. Зур булмаган театраль проектларда катнаша. 2003 елдан 2008 елга кадәр кыска метражлы немец фильмнары сериясендә төшә. 2011 елдан 2013 елга кадәр продюсер Тимур Йософ Савджи чакыруы буенча тарихи «Великолепный век» сериалында солтан Сөләйман I хаким иткән чорындагы Госман империясе тормошо турында төшерүдә катнаша, монда Төркиягә Кырымнан алып килгән Роксолананы уйный.

2013 елның 16 маенда өченче сезон тәмамланганга кадәр берничә серияны төшерүгә калгач, Мерьем туган иленә кайта һәм төшерүләргә килми^[17]. Актриса үзе әйтүенчә, физик һәм психологик яктан «Великолепный век» сериалының 100-120 минутлык эшләреннән нык аруы, шулай ук актрисаның элеккеге сөйгәне Джан Атештан йөкле булуы тора.

Мерьем 2014 елда Истанбулга кайта, ә 2015 елда «Материнская рана» фильмында төшә, анда Мария ролен уйный. 2015 елның 20 декабрендә Мерьем үзенең «Meryem Cosmetics» косметик брендын презентацияләде. 2015—2016 елларда «Королева ночи» сериалында төшә, анда француженка Селинны уйный. Проект рейтингы түбән булу сәбәпле ябыла.

Күпмедер вакыт Мерьем Узерли төрек бизнесмены Джан Атеш белән очраша, пар хәтта ярәшү турында игълан итә. 2013 елның август аенда аларның ызгышып аерылышуы билгеле була. Август азагында Мерьем дүртле ай йөкле булуы турында игълан итә^[18].

2014 елның 10 февралендә Мерьемнең кызы туа^[19], аны Лар дип атый^[20].

Сентябрь башында Мерьем, 4нче ай йөкле булуы турында игълан итә. Узерли сөйгәненең исемен яшерә, әммә, аның американлы булуы билгеле^[21].

2021 елның 8 гыйнварында Мерьем икенче тапкыр ана була. Кызы тугач, аңа Лили Кои дип куша.