Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Павел Фәхертдинов

Викибирелмәләрдә элемент юк
РУВИКИ проектының татар бүлегендә Фәхертдинов фамилияле башка кешеләр турында да мәкаләләр бар

Павел Фәхертдинов, Павел Марат улы Фәхертдинов, Павел Маратович Фахртдинов (1982 елның 30 мае, СССР, РСФСР, Мәскәү өлкәсе, Электросталь) ― россияле шагыйрь, музыкант, автор-башкаручы. «Проект ХБ» төркеменә нигез салучыларның берсе, «Необарды» квартеты әгъзасы.

Тәрҗемәи хәле

1982 елның 30 маенда Мәскәү өлкәсе Электросталь шәһәрендә татар-рус гаиләсендә туган.[1] Әтисе Марат Әнвәрша улы (1958 елгы) шулай ук автор-башкаручы, автор-башкаручылар клубы белән җитәкчелек иткән,[2][3] әнисе фольклор-этник ансамбль солисты булган.[4] Павел Марат улы 2004 елда Маймонид исемендәге дәүләт классик академиясенең (рус. Государственная классическая академия имени Маймонида) юридик факультетын тәмамлаган.[5]

Берничә музыкаль фестиваль, шул исәптән автор-башкаручыларның Грушин фестивале[d] (рус. Грушинский фестиваль) лауреаты.[6] Төрле әдәби, музыкаль һәм әдәби-музыкаль чараларда һәм проектларда, шул исәптән «Тынычлыкның яратылышы» (рус. Сотворение мира) фестивалендә (2010 елның 26 июне, Казан) катнашучы. 2001 елдан «Даждь» фестиваленең[d] даими катнашучысы,[7] «Как бы фест» фестивале катнашучысы. «Baikal-live» арт-фестиваленең берничә тапкыр хедлайнеры (Байкал, Иркутск). 2004 елда «Ике фәрештә» (рус. Два ангела) спектакленә музыка язган (Андрей Платонов хикәяләре буенча Александр Минаев пьесасы).

Дискография

  • 2004 — Два ангела (спектакльгә музыка һәм җырлар)
  • 2005 — Выходи на улицу
  • 2008 — Предполётная (Павел Фахртдинов Сотоварищи)
  • 2009 — ПовтВоренье
  • 2011 — Долго в воде, потом раз — и выныриваешь! (Павел Фахртдинов Сотоварищи)
  • 2013 — Формация (Павел Фахртдинов һәм Jazzband Jim Beam)
  • 2015 — XYZ (Проект ХБ кысаларында)
  • 2017 — Родина (Проект ХБ кысаларында)
  • 2018 — Время хайпа (Проект ХБ кысаларында)
  • 2020 — Нет страха
  • 2022 — Песни Эдгара По (Проект ХБ кысаларында)[8]

Уңышлары

  • 2002 ― IV Халыкара «Петербург аккорд-2002» автор җыры фестивале лауреаты ― «Җырчы-солистлар» номинациясендә
  • 2003 ― XXX Грушин фестивале лауреаты ― «Башкаручылар» номинациясендә
  • 2006 ― «Икенче канал» (рус. Второй канал) фестивале лауреаты ― «Шигърият» номинациясендә
  • 2021 ― Павел Фәхертдинов катнашкан «Необарды» квартеты – «Йолдызлы билет» (рус. Звёздный билет) халыкара әдәби-музыкаль премиясе иясе ― «Музыка» номинациясендә (Аксенов-фест, 2021, Казан)

Башка башкаручылар белән хезмәттәшлек

2013 елда Иркутскида, Baikal-live[d] фестивалендә чыгыш ясаганнан соң, Олег Медведев һәм Михаил Башаков белән берлектә Иркутск башкаручысы Руслан Бажин (җыр тексты авторы) истәлегенә «Җәйгә бишек җыры» клибы (YouTube сайтында клип "Колыбельная лету" ) яздырыла.

2011 елда Алексей Вдовин һәм Максим Демидов белән берлектә Проект ХБ төркемен оештыра, соңрак төркемгә Дмитрий Дубров (Plotnik82[d] проекты җитәкчесе) кушыла.[9]

undefined

2020 елда COVID-19 пандемиясе вакытында Ромарио[d] (Роман Луговых), Павел Пиковский[d] һәм Василий Уриевский[d] белән квартет булып чыгыш ясый башлый. Берникадәр вакыттан соң ансамбль «Необарды»[d] дип атала. «Необарды» ансамбле ― берничә музыкаль фестиваль, шул исәптән автор-башкаручыларның Грушин фестивале[d] (рус. Грушинский фестиваль) лауреаты.[10][11]

Искәрмәләр

  1. ↑ Bards.ru — Фахртдинов Павел Маратович. Мөрәҗәгать итү датасы: 6 октябрь 2013. Архивировано 3 сентябрь 2013 года.
  2. ↑ База данных «Авторская песня» — Фахртдинов Марат. Мөрәҗәгать итү датасы: 7 гыйнвар 2014. Архивировано 7 гыйнвар 2014 года.
  3. ↑ Волга Ньюс — Павел Фахртдинов вновь выступит в Самаре. Мөрәҗәгать итү датасы: 7 гыйнвар 2014. Архивировано 7 гыйнвар 2014 года.
  4. ↑ Известия — Маша летит по небу, каркает — птица птицей… Мөрәҗәгать итү датасы: 7 гыйнвар 2014. Архивировано 7 гыйнвар 2014 года.
  5. ↑ Свободная Трибуна — Елена Чеснокова. Павел Фахртдинов: Мы переживаем век презрения, 04.12.2013. Мөрәҗәгать итү датасы: 25 гыйнвар 2014. Архивировано из оригинала 7 гыйнвар 2014 года.
  6. ↑ Грушинский фестиваль — Лауреаты и дипломанты Грушинских Фестивалей 2013 елның 8 апрель көнендә архивланган.
  7. ↑ Татарам.ру — Павел Фахртдинов: «В Казани люди честнее». Мөрәҗәгать итү датасы: 7 гыйнвар 2014. Архивировано 7 гыйнвар 2014 года.
  8. ↑ Павел Фахртдинов. «Песни Эдгара По». Facebook (24 май 2022). Мөрәҗәгать итү датасы: 26 май 2022.
  9. ↑ ПРОЕКТ ХБ представит в Твери новый альбом. Тверьлайф.ру (4 декабрь 2021). Мөрәҗәгать итү датасы: 29 ноябрь 2022.
  10. ↑ YouTube сайтында НЕОБАРДЫ на 48 Грушинском фестивале. Павел Фахртдинов, Ромарио, Павел Пиковский, Василий Уриевский
  11. ↑ Грушинский фестиваль пройдет в формате бесплатных концертов и онлайн-трансляций. TLTnews.ru (30 июнь 2021). Мөрәҗәгать итү датасы: 23 ноябрь 2021. Архивировано 22 ноябрь 2021 года.

Сылтамалар

Төркемнәр