Радик Богданов

Радик Гарифулла улы Богданов Башкорт АССРның Кырмыскалы районы Спирт заводы бистәсендә эшче гаиләсендә туган.

• 1946 елдан 1956 елга кадәр Кырмыскалы урта мәктәбендә укый.
• 1956 елдан 1958 елга кадәр Кырмыскалы спирт заводы бухгалтериясендә бухгалтер булып эшли.
• 1958 елда Башкортстан дәүләт медицина институтына (хәзер Башкорт дәүләт медицина университеты) укырга керә.
• 1964 елдан Кырмыскалы районы хастаханәсенең табиб-терапевты, баш врач урынбасары, Кырмыскалы туберкулезга каршы диспансерның баш табибы.
• 1965-1967 елларда Балтач районы хастаханәсенең баш табибы.
• 1967-1978 елларда Дәүләкән районы хастаханәсен җитәкли. Бу чорда кардиология бүлеге бинасы (1971), инфекция бүлеге корпусы (1974), 240 урынлык хастаханә бинасы һәм поликлиника (1975) төзелә^[1].
• 1980 елның августында Уфада яңа төзелүче күп профильле 21-нче хастаханәсенә баш табиб итеп күчерелә һәм 1983 елда бу хастаханә комплексын төзелеп бетә, хастаханә хезмәткәрләре өчен 76 фатирлы торак йорт, 300 урынлы ятак төзетә.
• 1989-1991 елларда ССРБ Югары Советы депутаты.

• Башкортстанның сәламәтлек саклау өлкәсендә микрохирургия, яңак-йөз хирургиясе, проктология юнәлешләрен үстерүче.
• Яңа дәвалау ысулларын, бригада ысулын кертүче, көндезге стационар эшен оештыручы.
• 40 гыйльми эш һәм биш рационализаторлык кушуы авторы.

• ССРБ-ның Гражданнар оборонасы отличнигы
• Башкорт АССР-ның атказанган врачы (1976) 
• РСФСР-ның «Кызыл тәре» җәмгыятенең Мактау кәгазе

• Хатыны - Лена Әхнәф кызы, акушер-гинеколог.
• Улы - Богданов Ринат, медицина фәннәре докторы, анестезиология-реаниматология профессоры
• Кызы -Гүзәл Исхакова, инглиз теле укытучысы.