Социаль әһәмиятле сервислар реестры

Социаль әһәмиятле сервислар реестры (рус. Рее́стр социа́льно зна́чимых се́рвисов, яки «Белый список» сайтов) — Россиянең Цифрлы үсеш министрлыгы тарафыннан тәкъдим ителгән проект, анда мобиль интернет сүндерелгән очракта да эшләячәк интернет-ресурслар санап кителгән^[1]. Массакүләм мәгълүмат чаралары белешмәләре буенча, исемлеккә 57 сервис^[2] — Россиянең иң эре ширкәтләре, шул исәптән VK, Яндекс, Сбербанк, ВТБ, Озон, Wildberries, Avito, Rutube, РЖД (Россия тимер юллары) һәм Россия Почтасы сервислары, шулай ук РИА Новости һәм РБК кебек берничә мәгълүмат агентлыклары электрон басмалары, Дәүләт Думасы, Федерация Советы, Генераль прокуратура һәм Гадәттән тыш хәлләр министрлыгы сайтлары кертелә^[3].

Цифрлы үсеш министрлыгы исемлекнең ачык булуын һәм киләчәктә тулыландырылачагын хәбәр итә^[4][5]. Ведомствода исемлеккә «Фонбет» букмекерлык конторасын өстәү турындагы мәгълүматны кире кагалар^[6][7][8]. 2025 елның сентябрендә Цифрлы үсеш, элемтә һәм массакүләм коммуникацияләр министрлыгы мобиль интернет чикләнгән очракта да кереп була торган сайтларның «ак исемлеген» атна саен яңартып торачагын белдерә. Ведомство башлыгы Максут Шадаев Kazan Digital Week форумында журналистларга хәбәр иткәнчә, исемлек популяр ресурслар рейтингы нигезендә төзелә һәм ул үз эченә Дәүләт хезмәтләре, «Яндекс», «ВКонтакте», «Одноклассники», Mail.ru сервисларын, Max милли мессенджерын, Ozon һәм Wildberries маркетплейсларын, Avito, «Дзен», Rutube, «Мир» түләү системасы сайтын, хөкүмәт һәм президент сайтларын, федераль дистанцион электрон тавыш бирү  [рус.] (тат. платформасын, шулай ук иң эре элемтә операторларының ресурсларын кертә^[9].

Мобиль интернетны сүндерү вакытында эшли торган интернет-ресурсларның «ак исемлегенә» 57 сайт кертелә.