Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Станислав Смирнов

РУВИКИ проектының татар бүлегендә Смирнов фамилияле башка кешеләр турында да мәкаләләр бар

Станислав Константинович Смирнов (1970 елның 3 сентябре, Ленинград, ССРБ) — Россия һәм Швейцария математигы, Филдс премиясе лауреаты (2010)[1], Мәгариф һәм фән министрлыгы каршындагы Иҗтимагый совет составына керә (2012)[2]. 2003 елдан Женева университеты профессоры. Academia Europaea Европа академиясе әгъзасы (2013).

Тәрҗемәи хәле

Станислав Смирнов 1970 елның 3 сентябрендә Ленинградта туа. Математика һәм физиканы тирәнтен өйрәнүле 239 нчы мәктәпне тәмамлый. Бишенче сыйныфтан Сергей Евгеньевич Рукшин җитәкчелегендә Пионерлар сарае түгәрәгендә математика белән шөгыльләнә. 1986—1987 елларда мәктәп укучылары арасында математика буенча халыкара олимпиадада ССРБ җыелма командасы әгъзасы. Ике Олимпиадада да тәкъдим ителгән барлык бурычларны чишеп һәм 100% нәтиҗә күрсәтеп, ике тапкыр алтын медальгә ия була[3].

Халыкара олимпиада җиңүчесе буларак, Санкт-Петербург дәүләт университетының математика-механика факультетына имтихансыз кабул ителә. 1992 елда университетны тәмамлый (фәнни җитәкчесе — Виктор Петрович Хавин).

СПбДУны тәмамлаганнан соң Николай Георгиевич Макаров (аның курсын Стеклов исемендәге математика институтының Санкт-Петербург бүлегендә тыңлаган) тарафыннан Калифорния технология институтына аспирантурага чакырыла, анда 1996 елда Ph.D дәрәҗәсе ала[4]. Йель университетында стажировка үткән, күпмедер вакыт Принстонда (Югары тикшеренүләр институты) һәм Боннада (Макс Планк математика институты) эшләгән.

Соңрак Стокгольмда Король технология институты профессоры һәм Швециянең Король фәннәр академиясе (2001) тикшеренүчесе була.

2003 елдан Женева университетында эшли.

2010 елда Россия Федерациясе Хөкүмәтенең фәнни мегагрантын ала[5], аның кысаларында СПбДУда лаборатория булдыра[6]. 2011 елның 23 маенда Дмитрий Медведев белән[7] һәм 2016 елның 19 сентябрендә Владимир Путин белән[8] узган мегагрантниклар очрашуларда катнаша. 2016 елның 19 сентябрендә Россия Президенты белән очрашуда мегагрантлар алучылар тарафыннан тәкъдим ителгән галимнәргә ярдәм буенча Президент программасы инициаторларының берсе[9][10].

Сергей Ролдугин, дирижёр Юрий Темирканов, балерина Светлана Захарова, хоккейчы Валерий Каменский, фигурист Александр Горшков һәм математик Иван Ященко белән бергә «Талант һәм уңыш» фондын гамәлгә куючы[11]. Станислав Смирнов әлеге фонд идарәсенә керә.

Смирновның ике үлчәүле рәшәткә модельнең (перколяция һәм Изинг моделе) үз-үзен тотышы өлкәсендәге эшләре аеруча билгеле. Аерым алганда — өчпочмаклы рәшәткәдә перколяция өчен Карди формуласын исбатлау[12][13][14].

Хатыны Татьяна Смирнова-Нагнибеда белән математика түгәрәгендә танышкан. Татьяна шулай ук математик, Женева университетында профессор[15]. Кызы Александрга (2002) һәм улы Николай бар (2006).

Бүләкләр

  • Санкт-Петербург математик җәмгыяте премиясе (1997);
  • Клэй математика институты премиясе (2001);
  • Салем премиясе (2001);
  • Гран Густафсон премиясе (2001);
  • Ролло Давидсон премиясе (2002);
  • Европа математика җәмгыяте премиясе (2004);
  • Филдс премиясе (2010)[16];
  • Россия мегагранты (2010);
  • Onsager Medal, Табигый һәм техник фәннәр Норвегия университеты (2013).

Искәрмәләр

  1. ↑ Stanislav Smirnov (Fields Medal 2010) (ингл.). International Congress of Mathematicians 2010. Мөрәҗәгать итү датасы: 19 август 2010. Архивировано из оригинала 22 август 2010 года.
  2. ↑ Дмитрий Ливанов назвал состав Общественного совета при Минобрнауки. Мөрәҗәгать итү датасы: 7 август 2012. Архивировано из оригинала 22 октябрь 2014 года.
  3. ↑ Stanislav Smirnov. Individual Ranking (ингл.). International Mathematical Olympiad. Мөрәҗәгать итү датасы: 19 август 2010. Архивировано 7 май 2012 года.
  4. ↑ Smirnov, Stanislav K. (1996) Spectral analysis of Julia sets. Dissertation (Ph.D.), California Institute of Technology.
  5. ↑ Получите мегагрант. Министерство образования объявило итоги беспрецедентного конкурса (рус.). Lenta.ru. Мөрәҗәгать итү датасы: 29 май 2012.
  6. ↑ Станислав Смирнов: Как вода точит камень. fontanka.ru. Мөрәҗәгать итү датасы: 29 май 2012.
  7. ↑ Дмитрий Медведев встретился с иностранными учёными, работающими в России  [рус.], Президент России. 5 гыйнвар 2018 тикшерелде.
  8. ↑ Встреча с учёными – получателями мегагрантов на научные исследования  [рус.], Президент России. 5 гыйнвар 2018 тикшерелде.
  9. ↑ Больше постдоков для российской науки: интервью с Александром Кабановым. indicator.ru. Мөрәҗәгать итү датасы: 13 гыйнвар 2018.(үле сылтама)
  10. ↑ Презентация Президентской программы исследовательских проектов состоялась в пресс-центре ТАСС, Российский научный фонд (2017-03-21). 5 гыйнвар 2018 тикшерелде.
  11. ↑ УЧРЕДИТЕЛИ ФОНДА «ТАЛАНТ И УСПЕХ», archived from the original on 2021-11-18, retrieved 2021-11-18 
  12. ↑ Hugo Duminil-Copin, Stanislav Smirnov. The connective constant of the honeycomb lattice equals // Annals of Mathematics. — 2012. — Vol. 175, no. 3. — P. 1653—1665. — DOI:10.4007/annals.2012.175.3.14. .
  13. ↑ Harry Kesten. The Work of Stanislav Smirnov (ингл.) (pdf). ICM. Мөрәҗәгать итү датасы: 22 август 2010. Архивировано 7 май 2012 года.
  14. ↑ Julie Rehmeyer. Stanislav Smirnov (ингл.) (pdf). ICM. Мөрәҗәгать итү датасы: 22 август 2010. Архивировано 7 май 2012 года.
  15. ↑ Tatiana Smirnova-Nagnibeda. Home page (ингл.). Мөрәҗәгать итү датасы: 19 август 2010. Архивировано 7 май 2012 года.
  16. ↑ Россиянин Станислав Смирнов стал лауреатом премии Филдса 2010 г. Полит.РУ (19 август 2010). Мөрәҗәгать итү датасы: 19 май 2012. Архивировано 30 июнь 2012 года.

Сылтамалар

Төркемнәр