Сәвия Сираева

1934 елның 5 гыйнварында Башкорт АССРның Нуриман районы, Иске Исай авылында туа.

1952 елда Уфа дәүләт театр-сәнгать училищесын (Х. Бохарский курсы) тәмамлап, Башкорт дәүләт филармониясендә, аннары 1960—1963 елларда — Салават башкорт дәүләт драма театры артисты, 1964 елдан — хәзерге Мәҗит Гафури исемендәге Башкорт дәүләт академия драма театрында, 1989 елдан — Уфа яшь тамашачылар театрында, 1993 елдан — Уфа «Нур» татар дәүләт театрында эшли.

Савия Сираева комик һәм кискен характерлы рольләр башкара.

Режиссёр буларак, 1999 елда «Нур» театрында Сәйфи Кудашның «Урман әкияте» спектаклен сәхнәләштерә, ул «Колынчак — 2000» II республика балалар спектакльләре фестивале лауреаты була һәм «иң үзенчәлекле куелыш» номинациясендә бүләкләнә^[2].

1987 елдан — СССР Театр эшлеклеләре берлеге әгъзасы.

• Җиһан — «Башмагым» (М. Фәйзи);
• Сабира — «Кыз урлау» (М. Кәрим);
• Саймә — «Кыйбла кайда?» (Аманулла);
• Гөлниса — «Рәйсә» (Н. Асанбаев);
• Гөлирә — «Әманәткә хыянәт» (Ф. Богданов);
• Тайфа — «Өч аршын җир» (Ә. Гыйләҗев);
• Рәзия — «Ялгыз» (Т. Миңнуллин);
• Сихерче — «Сихерче» (Н. Гыйматдинова);
• Сәйдә — «Үтер мине, җаным!» (Г. Несин);
• Хәтирә — «Яшьлегем яулыгы» (Т. Миңнуллин);
• Ана — «Әниемнең ак яулыгы» (Ш. Хөсәенов);
• Бибиәсма — «Көз» (Г. Исхакый);
• Тутыя ханым — «Саклыйк әле күңел хисләрен» (Р. Кол-Дәүләт);
• Мәрфуга — «Күрәзәче» (З. Хәким);
• Җиһан — «Аршин мал алан» (Г. Хаҗибәков);
• Хатын — «Төш» (М. Гыйләҗев);
• Мәрьям инәй — «Аклы-каралы могҗиза» (И. Бикбулатова);
• Галимәбану — «Галиябану» (М. Фәйзи);
• Корбанбикә — «Кичке табын» (М. Кәрим);
• Фәридә әби — «Уйларымнан гына югалма…» (Р. Гүнтекин);
• Маһруй кодагый — «Җизнәкәй» (Х. Ибраһимов);
• Тутыйкай — «Ябалак борылышында» (Ф. Бигашев);
• Нәгыймә — «Банкрот» (Г. Камал);
• Җиһан — «Җыр белән янган» (М. Фәйзи);
• Апай — «Без янәшә яшибез» (Аманулла);
• Байбикә — «Курай моңнары» (Н. Гаетбаев);
• Зәбирә — «Законлы никах белән» (Ә. Атнабаев);
• Любовь Шевцова — «Яшь гвардия» (А. А. Фадеев);
• Майсара — «Американ» (К. Тансурин);
• Ана — «Ай булмаса, йолдыз бар» (Т. Миңнуллин);
• Миңлегол — «Җырланмаган җыр» (М. Кәрим);
• Нәсихә — «Юл чатында» (Ә. Атнабаев);
• Райсовет рәисе — «Унөченче председатель» (Ә. Абдуллин);
• Рәсимә — «Авыл күренешләре» (Ә. Мирзаһитов);
• Рәсимә — «Игезәкләр» (Ә. Атнабаев);
• Рәхилә — «Аналар һәм бәбиләр» (Т. Миңнуллин);
• Сверюга — «Иванов» (А. П. Чехов);
• Судья — «Унөченче председатель» (Ә. Абдуллин);
• Тайфа — «Өч аршын җир» (Ә. Гыйләҗев);
• Корбанбикә — «Кичке табын» (М. Кәрим);
• Галимә — «Хаҗи әфәнде өйләнә» (Ш. Камал);
• Агинәй — «Ак чәчәк — сиңа бүләк» (Р. Нурлыгаянов)^[2]Савия Сираева (рус.). kino-teatr.ru. Мөрәҗәгать итү датасы: 18 май 2024..
• Мәрьям ролендә «Ай кызы» (2001—2002; «Башкортстан» ТРК) телефильмында төшкән^[1].

• Башкортстанның Халыклар Дуслыгы ордены (2024)^[3];
• Салават Юлаев ордены (2019)^[4];
• Россия Федерациясенең атказанган артисты (2007)^[5];
• Башкорт АССРның халык артисты (1989);
• Татарстан Республикасының халык артисты (2001);
• Россия Театр эшлеклеләре берлегенең Мактау грамотасы (2024);
• Нуриман районының мактаулы гражданины;
• Уфа шәһәренең мактаулы гражданины (2021)^[6];
• «Дуслык» ордены (2023, Татарстан)^[7];
• «Мәдәният һәм сәнгатьтәге казанышлар өчен» ордены (2024)^[8];
• «Хезмәт фидакарьлеге өчен» медале (2021)^[2].

Гыймаделислам белән Гөлҗамал Сираевларның зур гаиләсендә 12 нче, төпчек бала булып туа. Туган авылында туганнарыннан Рәшит абыйсы яши. Савия Сираева — ике ул анасы, өч онык әбисе. Бер улы Уфада яши, коммерция белән шөгыльләнә, икенчесе — Мәскәүдә^[9].