Тәтешле хәбәрләре
Тәтешле хәбәрләре - татар телендә Башкортстанның Тәтешле районында нәшер ителүче дәүләт иҗтимагый-сәяси газеты. атнага өч тапкыр чыга. Татарча һәм урысча чыккан гәҗитнең гомуми тиражы - 5 500 данә. Айга 2 тапкыр башк. “Аҡ тирмә” кушымта - гәҗите чыга.
Тарих
Гәҗит Тәтешле районы төзелгән вакыттан, ягъни 1935 елдан чыга.
- Беренче саны 1935 елның 24 февралендә «Җитәкче» исеме белән татарча чыга.
- 1936 ел ахырында удмуртча «Азьлань» («Алга») гәҗите чыга башлый.
- 1950 елда «Җитәкче» исеме «Коммунизмга» исеменә алыштырыла.
- 1956 елда татар һәм удмурт гәҗитләре берләштерелә.
- 1964 – 1967 елларда, Яңавыл районы белән берләшү сәбәпле, район гәҗите чыкмый тора, Яңавыл районы гәҗите «Коммунизм таңы» (хәзерге "Яңавыл таңнары") таратыла[1].
- 1991 елда элекке исем «Җитәкче» / «Азьлань» («Алга») исеме кире кайтарыла.
- 2001 елга кадәр татарча гәҗит чыга, аннан удмурт теленә дубляж ясыйлар.
- 2001 елдан урысча дубляж барлыкка килә.
- 2001 елдан «Тәтешле хәбәрләре» / «Татышлинский вестник» булып чыга.
Мөхәррирләр
Гәҗитнең беренче мөхәррирләре булып В. Мостафина, Г. Үлмәсов, И. Чанышев, М. Садретдинов, З. Хуҗин, Ш. Вәлинуров, С. Маннапов, М. Галләмов эшли.
Аларга алмашка Нил Гарифуллин, Герасим Кандеев, Әнвәр Әхмәтҗанов, Әнвәр Мәүлиханов, Рим Әхмәтов, Марат Зыятдинов, Дарвин Ибәтуллин килә.
Гәҗиттә талантлы журналистлар Мәүли Садретдинов, Әнвәр Мәүлиханов, Әдһәм Мәүлиев, Андрей Гыйлмаев, Ләлә Ибәтуллина, Мөнирә Басимова, Вилнүс Вәлиев, Рафаэль Харисов эшли.
Чыганаклар
Гәҗитнең сайты 2014 елның 13 декабрь көнендә архивланган.