Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Филүс Каһиров


Филүс Фәһим улы Каһиров (рус. Филюс Кагиров; Пустой шаблон {{ВД-Преамбула}}) — Россия җырчысы, опера һәм эстрада башкаручысы. Ул татар халык җырларын, классик вокаль әсәрләрне һәм опера партияләрен башкара. М. Җәлил исемендәге Татар академия дәүләт опера һәм балет театрында чакырылган солист буларак чыгыш ясый[1][2].

Тормыш юлы

Филүс Каһиров 1986 елның 2 ноябрендә Башкортстан Республикасының Бүздәк районы Килем авылында туган[1].

2006 елда Октябрьский музыка көллиятен тәмамлый. 2011 елда Н. Г. Җиһанов исемендәге Казан дәүләт консерваториясен тәмамлый; консерваториядә Зилә Сөнгатуллина сыйныфында укый. 2011 елда Италиянең Римини шәһәрендә Карло Пари мәктәбендә стажировка үтә[2].

2008 елда Г. Камал исемендәге Татар дәүләт академия театрында беренче сольный концертын куя[1].

Иҗаты

Каһиров татар эстрадасы, татар халык җырлары һәм академик вокал өлкәләрендә чыгыш ясый. Репертуарында классик әсәрләр дә, татар халык җырлары да бар[1].

Казан консерваториясенең опера студиясе сәхнәсендә ул Шарль Гуноның «Ромео һәм Джульетта» операсында Ромео, Пётр Чайковскийның «Евгений Онегин» операсында Ленский, Нәҗип Җиһановның «Алтынчәч» операсында Җик, Җәүдәт Фәйзинең «Башмагым» музыкаль комедиясендә Галимҗан партияләрен башкара[2].

М. Җәлил исемендәге Татар академия дәүләт опера һәм балет театры сәхнәсендә чакырылган солист буларак Резеда Ахиярованың «Сөембикә» операсында Шаһгали, Эльмир Низамовның «Алтын Казан» мюзиклында Битимер, Пётр Чайковскийның «Евгений Онегин» операсында Ленский партияләрен башкара[2].

2024 елның 4 июлендә М. Җәлил исемендәге театрда Нәҗип Җиһановның «Җәлил» операсында Муса Җәлил партиясен беренче тапкыр башкара[2]. 2026 елның 22 июнендә шул ук операның хәйрия күрсәтүендә Җәлил партиясен башкара. Спектакль Хәтер һәм кайгы көненә, Муса Җәлилнең тууына 120 ел һәм Нәҗип Җиһановның тууына 115 ел тулуга багышлана[3].

2026 елның апрелендә Казанда Резеда Ахиярованың «Сөембикә» операсы яздырыла; 2026 елның 3 июлендә аның телевизион версиясе «Триколор: Большой эфир» телеканалында күрсәтелә. Бу язмада төп партияләрнең берсе — Шаһгали партиясе — Филүс Каһиров башкаруында тәкъдим ителә[6].

Сольный концертлар белән Россия шәһәрләрендә, шулай ук Германия, Финляндия, Швеция, АКШ, Латвия, Эстония, Төркия, Венгрия, Словения, Чехия, Франция, Казакъстан, Үзбәкстан, Кувейт һәм башка илләрдә чыгыш ясый[2].

Бүләкләре һәм мактаулы исемнәре

Искәрмәләр

  1. ↑ 1 2 3 4 5 6 7 8 9 10 Филюс Кагиров: «Заводы у нас стоят, зато вокруг одни артисты» (рус.). БИЗНЕС Online (13 март 2016). Мөрәҗәгать итү датасы: 15 июль 2026.
  2. ↑ 1 2 3 4 5 6 7 8 9 10 11 12 13 14 Филюс Кагиров дебютирует в роли Джалиля в одноименной опере Н. Г. Жиганова (рус.). Татарский академический государственный театр оперы и балета имени Мусы Джалиля (3 июль 2024). Мөрәҗәгать итү датасы: 15 июль 2026.
  3. ↑ 1 2 Благотворительный показ оперы «Джалиль» в День памяти и скорби (рус.). Татарский академический государственный театр оперы и балета имени Мусы Джалиля (18 июнь 2026). Мөрәҗәгать итү датасы: 15 июль 2026.
  4. ↑ 1 2 Алсу Исмәгыйлева. Илһам Шакиров исемендәге республика премиясе ияләре билгеле. Татар-информ (16 декабрь 2020). Мөрәҗәгать итү датасы: 15 июль 2026.
  5. ↑ 1 2 Оксана Романова. Минниханов присвоил звание «Народный артист РТ» Филюсу Кагирову и Алине Шарипжановой (рус.). Татар-информ (31 гыйнвар 2023). Мөрәҗәгать итү датасы: 15 июль 2026.
  6. ↑ Опера «Сююмбике» на телеканале «Триколор: Большой эфир» (рус.). Татарский академический государственный театр оперы и балета имени Мусы Джалиля (2 июль 2026). Мөрәҗәгать итү датасы: 15 июль 2026.

Төркемнәр