Килем

Авылның төп истәлекле урыны – Тәфкилев морзалар утары. Утарга 1821 елда төзелгән таш мәчет, 1853 елда төзелгән Тәфкилевлар сарае һәм парк керә. Якында 17 гасыр мөселман зираты урнашкан.
/> Россия Федерация президентының 1995 елның 20 февральдәге 176нчы карары нигезендә 1821 елда төзелгән бина федераль әһәмияттәге тарихи һәм мәдәни мирас исемлегенә кертелгән.
Реставрацияләнгән Сарайда бүген “Килем” Татар тарихи-мәдәни үзәге урнашкан.^[1]

1917 елда Килемдә (“Иске Килемдә”) 1456 кеше яши. Милләте буенча: 1441 татар, 9 типтәр, 6 башкорт.^[2]

2002 елда 67% халык татарлар итеп яздырылган, «башкорт» – 32%.

Авылда урта мәктәп эшли. Элек Тәфкилев сараенда урнашкан булса, әле яңа бинада эш итә.

• Котлымөхәммәт Мәмәш улы Тәфкилев (1674-1766) – Россия дәүләте эшлеклесе, дипломат, эре алпавыт
• Сәлимгәрәй Тәфкилев (1805-1885) – Ырынбур диния назәрәтенең 4нче мөфтие
• Котлымөхәммәт Батыргәрәй Тәфкилев (1850-1917) – Патша Дәүләт Думасының дүрт чакырышы депутаты
• Сәлимгәрәй Җантурин – Тәфкилевләрнең кардәше, 1нче Дәүләт Думасының депутаты
• Филүс Каһиров — җырчы
• Имаметдин Сәйфуллин (1885-1923), педагог, «Яңа әлифба» авторы.

Килемнең күмәк хуҗалыгы таркалган, авыл җирләрен 9 фермер хуҗалык эшкәртә.

• район үзәгенә кадәр (Бүздәк): 26 км;
• тимер юл станциясенә (Бүздәк): 25 км.