Халыкара йөгерү көне

Бөтендөнья йөгерү көне идеясе 2009 елда, җиңел атлетика зур популярлыкка ия булган АКШта барлыкка килә^[1]. Башта бәйрәм милли төсмергә ия була, тиз арада популярлык казана һәм аны башка илләр дә күтәреп ала. 2016 елның 1 июненнән бәйрәм бөтендөнья рәсми статусына ия була^[2].

2017 елда Международная Халыкара җиңел атлетика федерацияләре ассоциациясе (IAAF) инициативаны күтәреп ала, шуннан бирле Бөтен дөнья йөгерү көне ел саен июньнең беренче чәршәмбесендә бик күп илләрдә уздырыла.

Бәйрәмдә теләгән һәркем яисә спорт җәмгыяте катнаша ала. Халыкара йөгерү көнен бәйрәм итүнең иң гади ысулы — йөгерергә чыгу. Бу көнне узучы теләсә нинди җиңел атлетика вакыйгасына кушылырга яки дистанцияне мөстәкыйль рәвештә узарга мөмкин.

Бу көнне шулай ук бөтен дөнья буйлап спорт оешмалары ярдәме белән төрле спорт чаралары һәм бөек җиңел атлетлар истәлегенә багышланган иҗтимагый чаралар уза. Аларда еш кына хәзерге заманның күренекле шәхесләре катнашучылар яки хөрмәтле кунаклар сыйфатында чыгыш ясыйлар.

Йөгерергә яратучылар спортта ирешкән уңышларын Халыкара йөгерү көненең рәсми порталында регистрацияли ала^[3]. Анда маршрутны, аның озынлыгын һәм урынын билгеләп була. Шулай ук порталда виртуаль йөгерешләр дә уздырыла, анда теләгән һәркем катнаша ала^[4][5].

Төп чаралар «Кояшны узып китеп» лозунгы астында уза^[6]. Проект 2018 елда Халыкара җиңел атлетика федерацияләре ассоциациясе җитәкчеләре ярдәмендә башлана. Инициативаның асылы - катнашучылар берьюлы төрле сәгать поясларында, эстафетаны планетаның бер ноктасыннан икенчесенә, сәгать поясы чираты буенча, тапшыра барып, йөгерешләр оештыралар. Мәсәлән, йөгереш Яңа Зеландиядә башланып китә, аннан Австралиягә, Япониягә, Европага, Африкага, Көньяк Америкага, Төньяк Америкага күчә.

Йөгерешләр җәдвәле алар һәр сәгать саен уза торган итеп төзелгән, шуңа күрә «эстафета» нәкъ бер тәүлек дәвам итә. 2018 елда йөгереш Оклендта (Яңа Зеландия) башланып китә, аннан эстафетаны Мельбурн, Токио, Пекин, Бангкок, Дели, Минск, Рамалла, Аддис-Абеба, Йоханнесбург, Ницца, Берлин, Лондон, Рабат, Абиджан, Прая, Сан-Паулу, Буэнос-Айрес, Гавана, Торонто, Лима, Мехико һәм Лос-Анджелес шәһәрләре аша узып, Ванкуверда тамамлана.

Россиядә, Халыкара йөгерү көненнән тыш, шулай ук «Милләт Кросы» спорт чарасы уздырыла. Быел ярышларда профессиональ спортчылар белән беррәттән әҙерлек дәрәҗәләре һәм саулык үзенчәлекләре төрле булган хәвәскәрләр дә катнаша. Мәсәлән, кайбер паралимпияче спортчылар дистанцияне махсус коляскаларда уза, бу ярыш кагыйдәләре белән рөхсәт ителә^[7].