Чили Антарктикасы

Чили антарктик территориясе (исп. Territorio Chileno Antártico) — Чили дәгъва белдерә торган Антарктика секторы. Ул көньяк киңлекнең 60нчы градусыннан көньяктарак, көнбатыш озынлыкның 53-90 меридианнары арасында урнашкан.

Халык саны — 115 кеше (2012).^[1] Мәйдан — 1 250 257,6 км².

Үз эченә Көньяк Шетланд утрауларын, Антарктика ярымутравын, (өлешчә) Элсверт җирен һәм Ронне шельф бозлыгын кертә. Административ ягыннан Магальянес-и-ла-Антарктика-Чилена вилаяте Антарктика-Чилена өлкәсенең Антарктика коммунасына карый. Аргентина һәм Бөекбритания Чили Антарктикасының бер өлешен үзенеке дип саный.