Шамил Агиев

1949 елның 8 гыйнварында Казан шәһәрендә туа^[1].

1972 елда Казан авиация институтын, 1992 елда РФ Министрлар Кабинеты каршындагы Халык хуҗалыгы академиясен тәмамлый. Шулай ук РФ Президенты каршындагы Дәүләт хезмәте академиясенең докторантурасында укый^[2]. АКШ, Германия, Бөекбритания, Төркия, Швейцария кебек чит илләрдә стажировка уза.

1972—1973 елларда ВЛКСМның Казан шәһәр комитеты сәркатибе, 1973—1975 елларда — 1 нче сәркатибе, 1975—1977 елларда — ВЛКСМның Татарстан өлкә комитеты сәркатибе, 1977—1982 елларда — 1 нче сәркатибе, 1978—1988 елларда — ВЛКСМ Үзәк Комитеты әгъзасы^[1].

1982—1984 елларда «КамАЗ» җитештерү берләшмәсендә директорның икътисад буенча урынбасары (Яр Чаллы шәһәре) вазифасын били^[2].

1984—1993 елларда «Электроприбор» заводы (Казан) генераль директорының икътисад буенча урынбасары булып эшли^[2].

1993 елдан Татарстан Республикасының Сәүдә-сәнәгать палатасы генераль директоры һәм идарә рәисе итеп сайлана^[2]. 2024 елның декабрендә палатаның VII съездында яңа биш еллык срокка кабаттан сайлана^[3][4]. Аның кандидатурасы съезд делегатлары тарафыннан бертавыштан хуплау таба^[5].

1980—1985 елларда — ТАССР Югары Советы депутаты^[1].

• Татарстан Республикасының Җир һәм мөлкәт мөнәсәбәтләре министрлыгы, Икътисад министрлыгы, Сәнәгать һәм сәүдә министрлыгы коллегияләре әгъзасы;
• Татарстан Республикасы Президенты Р. Н. Миңнеханов катнашында Алабуга, Казан (Идел буе) федераль университеты, Татарстан Республикасы Инвестиция-венчур фонды, Татарстан Республикасы торак фонды Советлары әгъзасы;
• Татарстан Республикасы Премьер-министры А. В. Песошин катнашында «Набережные Челны», «Зеленодольск», «Чистополь», «Нижнекамск» ТОСЭР Советы әгъзасы;
• Татарстан Республикасы Икътисад министрлыгы каршындагы Иҗтимагый совет рәисе, «Алабуга» махсус икътисади зонасы экспертлар советы рәисе, Татарстан Республикасының Дәүләт Советы каршындагы Икътисад, инвестицияләр һәм эшмәкәрлек комитетының Экспертлар советы рәисе;
• Татарстан Республикасының Ишкәк ишү спорты федерациясе президенты;
• «Алабуга» махсус икътисади зонасы Күзәтүчеләр советы әгъзасы;
• Республика ярдәм фонды советы әгъзасы;
• Татарстан Республикасы буенча Эчке эшләр министрлыгының, Татарстан Республикасы буенча Монополиягә каршы федераль хезмәт идарәсе, Татарстан Республикасы Прокуратурасы, Россия Федерациясенең Татарстан Республикасы буенча Тикшерү комитетлары Иҗтимагый советлары әгъзасы;
• Татарстан Республикасы Министрлары Кабинеты каршындагы Икътисади совет әгъзасы;
• Татарстан Республикасы Инвестицияләр советы әгъзасы;
• Татарстан Республикасы Инвестицияләр-венчур фонды Попечительләр советы әгъзасы;
• Татарстан Республикасы Гарантия фонды Попечительләр советы әгъзасы;
• К(И)ФУ, КНИТУ (КАИ) Попечительләр советы әгъзасы;
• Россия Федерациясе Сәүдә-сәнәгать палатасы советы әгъзасы;
• Коррупциягә каршы сәясәтне гамәлгә ашыру Республика советы әгъзасы;
• Россия нефть-газ сәнәгате советы берлеге әгъзасы^[2][6].

• Хезмәт Кызыл байрагы ордены (1980);
• Бөркет ордены (1998);
• РФ Журналистлар берлеге медале;
• Татарстан Республикасы Президентының мактау кәгазе (1999);
• «Санкт-Петербургның 300 еллыгы» медале (2003);
• «Казанның 1000 еллыгы истәлегенә» медале (2005);
• «Фидакарь хезмәт өчен» медале (2008);
• Дуслык ордены (2013);
• «Татарстан Республикасы алдындагы казанышлары өчен» ордены (2018);
• ВЛКСМ Үзәк Комитетының Мактау билгесе (1982);
• РФ ТПП структурасының Мактаулы билгесе;
• Россия сәнәгатьчеләр һәм эшкуарлар берлеге Мактау билгесе^[2][7].

Шамил Агиев — 90 нан артык фәнни һәм фәнни-методик хезмәт, шул исәптән 2 монография авторы^[2]. Хезмәтләре эшмәкәрлек, җитештерү һәм ресурс мөмкинлекләре, кризис вакытында предприятиеләр белән идарә итүгә карый^[1]:

• Развитие производительных сил и предпринимательства региона в условиях формирования рыночных отношений: социально-экономический анализ на примере Республики Татарстан. М., 1996.
• Страхование как фактор стабильности развития малого предпринимательства: очерки на экономические темы. М., 1997.

Өйләнгән, өч баласы бар. Мавыгулары — шигърият, табигать, академик ишкәк ишү спорты. 1963 елдан бирле академик ишкәк ишү белән шөгыльләнә, спорт мастерына кандидат^[8][9].