Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Эльвира Аетколова

РУВИКИ проектының татар бүлегендә Аеткулов фамилияле башка кешеләр турында да мәкаләләр бар

Эльвира Ринат кызы Аетколова (баш. Эльвира Ринат ҡыҙы Айытҡолова, рус. Эльвира Ринатовна Аиткулова; 19 август 1973, Яңа Байрамгул, Башкорт Автономияле Совет Социалистик Республикасы) — Россия тел галиме, журналист, дәүләт һәм җәмәгать эшлеклесе, югары уку йорты укытучысы. Башкортстан Республикасының V һәм VI чакырылыш Башкортстан Республикасы Дәүләт Җыены -Корылтае депутаты. Башкортстан Республикасы Дәүләт Җыены -Корылтае рәисе урынбасары [1]. Бөтендөнья башкортлар корылтае (конгрессы) — җәмәгать оешмаларының халыкара берлеге Президиумы рәисе (2019)[2].

Тормыш юлы

Эльвира Ринат кызы Аетколова 1973 елның 19 августында Башкортстан АССРның Учалы районы, Яңа Байрамгул авылында туа.

1998 елда Башкорт дәүләт университетының башкорт филологиясе һәм журналистика факультетын тәмамлый.

1997—2004 елларда «Даирә» иҗат берләшмәсенең хәбәрчесе, комментаторы, җитәкчесе. «Башкортстан» ДТРК һәм «Бөтенроссия дәүләт телевидение һәм радиотапшырулар компаниясе» федераль дәүләт унитар предприятиесе филиалының «ВГТРК Корпункты» сәяси күзәтүчесе.

2004—2010 елларда — «Юлдаш» республика мәгълүмат-музыка радиоканалының баш мөхәррире.

2010–2013 елларда — Башкортстан Республикасының «Башкортстан» телестудиясенең баш мөхәррире. БДУның рус теле һәм чагыштырма филология кафедрасы ассистенты булып эшли.

2017 елда Башкорт дәүләт университетында «Лингвопрагматика текстов в интернет-пространстве» темасына кандидатлык диссертациясе яклый[3].

Җәмәгать эшчәнлеге

2013 елда Эльвира Аетколова Башкортстан Республикасының V чакырылыш Дәүләт Җыелышы-Корылтай депутаты итеп сайлана, Мәгариф, мәдәният, спорт һәм яшьләр сәясәте комитеты әгъзасы була.

2018 елда VI чакырылыш Корылтай депутаты итеп сайлана. «Бердәм Россия» фракциясе әгъзасы. Корылтай Рәисе урынбасары була (2018–2021)[4].

2019 елның 28 июнендә Бөтендөнья башкортлары корылтае (конгрессы) — җәмәгать оешмаларының халыкара берлеге Президиумы рәисе итеп сайлана[5].

Гомумроссия «Россия өчен» Халык фронты җәмәгать хәрәкәтенең Үзәк штабы әгъзасы, Башкортстан Республикасы төбәк штабы рәистәше.

«Кече ватан мәдәнияте» проекты координаторы[6], Д. А. Медведевның җәмәгать кабул итү бүлмәсе җитәкчесе.

2020 елда «Россия лидерлары. Сәясәт» бәйгесе җиңүчесе[3].

2021 елда VIII чакырылыш Дәүләт Думасына сайлауларда Аетколова «Бердәм Россия» партиясеннән 5 нче Белорецк бер мандатлы сайлау округы буенча катнаша, 59,23% сайлаучылар тавышын җыя[7].

Мактаулы исемнәре һәм бүләкләре

Гаиләсе

Тормыш иптәше — Илгиз Азат улы Аетколов, «Вся Уфа» телеканалының директор урынбасары. Кызлары Диана белән Әмилә; оныклары — София. Олы кызлары һөнәре буенча табиб-педиатр һәм балалар хирургы, бәләкәй чагыннан ук «Тамыр» балалар-яшьүсмерләр телеканалы тапшыруларында катнаша, «Мисс БДМУ 2016» бәйгесе җиңүчесе.

Искәрмәләр

  1. ↑ Депутаты. Аиткулова Эльвира Ринатовна, archived from the original on 2019-06-21, retrieved 2020-08-22 
  2. ↑ Председателем президиума Всемирного курултая башкир стала Эльвира Аиткулова (рус.). www.bashinform.ru (28 июнь 2019). Мөрәҗәгать итү датасы: 25 сентябрь 2021. Архивировано 25 сентябрь 2021 года.
  3. ↑ 1 2 Энциклопедия ТАСС, 2024. Аиткулова, Эльвира Ринатовна. Депутат Государственной думы РФ
  4. ↑ Госсобрание -Курултай РБ. Организация. Мөрәҗәгать итү датасы: 10 апрель 2020. Архивировано 3 апрель 2020 года.
  5. ↑ Председателем исполкома Всемирного курултая башкир стала Эльвира Аиткулова. ИА «Башинформ», 2019, 28 июня [рус.] [Тикшерелгән 28 июнь 2019]
  6. ↑ Культура малой Родины
  7. ↑ В Башкирии единороссы проиграли лишь в одном из шести одномандатных округов (рус.). ufa.mk.ru. Мөрәҗәгать итү датасы: 29 сентябрь 2021. Архивировано 29 сентябрь 2021 года.
  8. ↑ Депутат Госдумы Эльвира Аиткулова удостоена ордена Дружбы. 25 сентябрь 2025 тикшерелде.
  9. ↑ Глава Башкирии вручил госнаграды делегатам VI Всемирного курултая башкир. 25 сентябрь 2025 тикшерелде.

Сылтамалар

Тема буенча өстәмә

Төркемнәр