Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Samsung

Samsung Group («Самсунг Груп», кор. 삼성그룹) — 1938 елда нигез салынган Көньяк Корея компанияләре төркеме, иң зур чебольларның берсе. Дөнья базарында югары технологияле компонентлар, шул исәптән интеграль микросхемалар, телекоммуникацион җайланмалар, көнкүреш техникасы, аудио һәм видео җайланмалар җитештерүче буларак билгеле.

Корей телендә «Самсунг» (кор. 삼성?, 三星?) сүзе «өч йолдыз» дигәнне аңлата.

Компания тарихы

Файл:Lee Byung-chul.jpg
Ли Бён Чхоль

1930 елларда Кореяда эшмәкәр Ли Бён Чхоль дөге оны җитештерү буенча үз эшен ача. Тэгу шәһәрендәге кечкенә генә склад Samsung компаниясенең зур тарихына әверелә. Бу вакытта Корея Япония колониясе була. 1938 елда Ли Бёнга Кореядән Кытайга һәм Маньчжуриягә экспорт өчен беренче бәйсез канал булдыра ала. Дөге, шикәр һәм киптерелгән балык кебек азык-төлек продуктларын тәэмин итүнең актив үсеше Samsung Trading Company сәүдә маркасын рәсми рәвештә теркәргә мөмкинлек бирә. Корея сугышы бу бизнеска чик куя. Складлар һәм компаниянең төп заводлары талап чыгыла һәм яндырып бетерелә.

Корея сугышыннан соң Көньяк Кореяның яңа президенты генерал Пак Чон Хи сәнәгать һәм икътисад реформаларын башлый. Икътисадның сәнәгать секторын үстерү программасы эшләнә. Корея реформаторлары тотрыклы икътисад эре концерннарга таянырга тиеш дигән нәтиҗә ясаганнар, шуңа күрә иң күренекле Корея эшмәкәрләренә хөкүмәт кредитлары бирелгән. Шулай итеп, 30 эре компания (чеболь) булдырыла. Алар арасында, Samsung[3] тан тыш, Daewoo, Hyundai, Goldstar (LG) һәм башкалар була. Һәр чебольның үз юнәлеше булган: Daewoo — автомобильләр җитештерү, Goldstar — көнкүреш техникасы, Samsung — электроника.

Структура

Электрон сәнәгать

Төркем сатуларының 70% тан артыгы электроника өлкәсенә туры килә[4].

undefined

Әлеге бүлекчә компанияләре:

  • Samsung Electronics
  • Samsung SDI
  • Samsung Electro-Mechanics
  • Samsung SDS
  • Samsung Networks

Бүлекчәләр каты дисклар (HDD), оператив хәтер, SRAM, сыек кристалл мониторлар, кәрәзле телефоннар, ноутбуклар, принтерлар һ. б. җитештерү белән шөгыльләнә.

Химия сәнәгате

Химия сәнәгате бүлекчәсе структурасы дүрт оешманы үз эченә ала:

  • Samsung Total Petrochemicals
  • Samsung Petrochemicals
  • Samsung Fine Chemicals
  • Samsung BP Chemicals

Тармак концернга елга 5 миллиард долларга якын табыш китерә. Нефть химиясе комплексы Дусанда (Көньяк Корея) урнашкан 15 заводтан тора, алар көнкүреш химиясен, гомуми куллану химиясен җитештерә, төп химикатлар: полиэтилен, полипропилен, мономер стирола, параксилол, LPG.

Җитештерү экологик җитештерү өлкәсендә ISO стандартларына туры килә[5].

Авыр сәнәгать

Авыр сәнәгать өлкәсендә концернның ике бүлекчәсе эшли:

  • Samsung Heavy Industries
  • Samsung Techwin

Бүлекчә якынча концернның 10% табышын китерә[6], чөнки нигездә Көньяк Кореянең эчке базарына эшли[7]. Бу бүлекчә эшчәнлегенең төп өлкәләре арасында: коралларның яңа төрләрен эшләү, шулай ук нефть, газ үткәргечләр, танкерлар төзү[8][9].

Төзелеш

Төзелеш белән концернның бер компаниясе шөгыльләнә:

  • Samsung Engineering

Тармак концернга елга 2 миллиард долларга якын табыш китерә. Бүлекчә, нигездә, бөтен дөнья буенча Samsung Group өчен офислар һәм заводлар төзү белән шөгыльләнә. Компания тарафыннан эшләнгән һәм проектланган корылмалар арасында — Берләшкән Гарәп Әмирлекләрендә Бурдж-Хәлифә, Тайваньда Тайбэй 101, Санкт-Петербургта «Лахта-центр»[10].

Берләшкән Гарәп Әмирлекләрендә Бурдж-Хәлифә
Малайзиядә игезәк манаралар
Тайваньда Тайбэй 101.

Финанс секторы

Конгломератның финанс секторына алты компания керә:

  • Samsung Life Insurance
  • Samsung Fire & Marine Insurance
  • Samsung Card
  • Samsung Securities
  • Samsung Investment Trust Management
  • Samsung Venture Investment

Тармак концернга елга 42 миллиард долларга якын табыш китерә. Шул ук вакытта ул, нигездә, Көньяк Корея территориясендә эшли һәм концернның үзенә финанс ярдәме күрсәтү белән шөгыльләнә. Fortune журналы мәгълүматлары буенча, компания бөтен дөнья иминият компанияләре арасында 18 нче урында урнашкан[11].

Искәрмәләр

  1. ↑ Alexa Internet (ингл.) — 1996.
  2. ↑ Global Research Identifier Database (ингл.) — 2015.
  3. ↑ Син Хён Хвак. {{{заглавие}}} // Проблемы Дальнего Востока. — 1990. — № 5.
  4. ↑ Samsung Group annual 2006 (ингл.). Архивировано из оригинала 16 октябрь 2007 года.
  5. ↑ Официальны сайт Samsung Total Petrochemicals (ингл.). Мөрәҗәгать итү датасы: 18 ноябрь 2008. Архивировано 5 февраль 2012 года.
  6. ↑ Samsung Group annual 2006 (ингл.). Архивировано из оригинала 16 октябрь 2007 года.
  7. ↑ Официальный сайт Samsung Techwin. Архивировано 5 февраль 2012 года.
  8. ↑ Энциклопедический фонд России. Архивировано из оригинала 12 ноябрь 2007 года.
  9. ↑ Прайм ТАСС. Мөрәҗәгать итү датасы: 7 декабрь 2008. Архивировано из оригинала 1 сентябрь 2009 года.
  10. ↑ «Газпром» определился со списком подрядчиков для «Лахта центра». Архивировано из оригинала 23 октябрь 2014 года.
  11. ↑ Официальный сайт Samsung Life Insurance. Архивировано из оригинала 5 сентябрь 2009 года.

Сылтамалар

Тема буенча өстәмә

Төркемнәр