Азра Акын

1981 елның 8 декабрендә Нидерландның Алмело шәһәрендә төрек гаиләсендә туа. Аның әти-әнисе, Назыйм һәм Айда, 1971 елда Төркиядән күчкәннәр. Азраның сеңлесе Дорук бар^[2]. Ниццада узган Аурупаның модельләр конкурсында катнашып, финалга чыккан унбиш хатын-кыз арасына керә. Шуннан соң Алманиядә модель карьерасын дәвам итә, «Otto GmbH» компаниясендә эшли.

2002 елда «Төркия гүзәле» матурлык конкурсында җиңә, «Дөнья гүзәле» бәйгесендә катнашуга ирешә һәм анда җиңү яулый^[3][4]. Җиңүе өчен ул таҗ һәм 156 мең доллар ала. Аңа бүләкне 2001 елгы конкурс җиңүчесе Агбани Дарего тапшыра^[5][6].

2003 елда, Дөнья гүзәле вазифаларын башкарып, Азра Бөекбритания, Төркия, Америка Кушма Штатлары, Яңа Зеландия, Ирландия, Ямайка, Австралия, Кытай һәм башка күп кенә илләрдә була^[7]. Күп кенә хәйрия акцияләренең йөзе булып тора^[8].

2003 елда Британиянең «The Games» реалити-шоуында алтын медаль яулый^[9][10].

2004 елда Азра «Евровидение-2004» халыкара җыр конкурсына багышланган ачык хатларда модельнең фотосурәтләре кулланыла: аларны һәр номер алдыннан күрсәтәләр^[7].

2004 елда Төркиянең танылган җырчысы Мостафа Сандалның «All My Life» клипында төшә^[11].

2010 елда Азра «Yok Boyle Dans» тамашасында җиңә. 2013 елда «Дөнья гүзәле — 2013» жюри составында эшли.

2015 елда Азра Каннада «LOreal» компаниясенең йөзе буларак кинофестиваль ачылуга багышланган кичәдә катнаша^[12].

Avon, Pepsi, Pantene, Avea, Arcelik кебек төрек һәмм халыкара брендларның йөзе була, ә 2021 елда Can bebe подгузниклары реклама ролигында төшә^[13]

Төрек, нидерланд һәм инглиз телләрен белә.

2004 елдан Азра актёр Кыванч Татлытуг белән очраша башлый. 2017 елның 6 августында биснесмен, биюче Атакан Коруга кияүгә чыга. 2019 елның 17 ноябрендә парның Демир исемле улы туа, ә 2024 елның 14 апрелендә кызлары Арья дөньяга килә. Кызы туганда актрисага 42 яшь була^[14].