Балалар китап картасы
Балалар китап картасы (рус. Детская книжная карта) — мәктәпкәчә яшьтәге балаларга белем бирү буенча дәүләт программасы. Ул Россия президенты Владимир Путин тарафыннан 2025 елның 5 июнендә узган Рус теле һәм Россия халыклары телләренә ярдәм итү өлкәсендәге дәүләт сәясәтен гамәлгә ашыру Советы утырышында тәкъдим ителә[1]. Программаны 2026 елда эшләтеп җибәрү планлаштырыла[2]. Номиналы 3000 сум булган карта өчтән алты яшькә кадәрге балаларга, экспертлар бергәлеге тарафыннан хупланган ким дигәндә 10 китап сатып алган очракта, ел саен бирелә[3][4].
Тарихы
2025 елның 5 июнендә Рус теленә һәм Россия халыклары телләренә ярдәм итү өлкәсендә дәүләт сәясәтен гамәлгә ашыру Советы утырышында Россия Президенты Владимир Путин «Пушкин картасы»на мисалында «Балалар китап картасы» булдырырга тәкъдим итә[1]. Картаның номиналы 3000 сум тәшкил итә, ул өчтән алты яшькә кадәрге балалар өчен — әдәбиятчылар, психологлар һәм мәктәпкәчә белем бирү белгечләре тарафыннан хупланган китаплар сатып алу өчен каралган[3]. Шул ук вакытта Владимир Путин бер карта иясенә ким дигәндә ун китап сатып алырга мөмкинлек бирә торган кулай бәяләр куярга кирәклеген билгеләп үтә[1].
Владимир Путин:
« Китап - тәрбия процессының һәм гаилә традицияләренең аерылгысыз өлеше.
Югары әхлакый кыйммәтләре булган зур,
классик әдәбият дөньясына юл ачучы балалар китаплары һәркем алырлык булырга тиеш. »
Яңа балалар картасы эшен контрольдә тоту Россия Федерациясенең Мәгариф министрлыгына йөкләнә[5].
Эшләтеп җибәрү
«Балалар китап картасы»н 2026 елдан чыгару планлаштырыла, ул ел саен һәр балага 3000 сумга тулыландырылыр дип көтелә[2][6]. Президент ярдәмчесе Елена Ямпольская әлеге программаның төбәк нәшриятләрен үстерү өчен җитди стимул булуын белдерә[1] һәм аңа «Алтын ачкыч» исемен тәкъдим итә[1].
Елена Янпольская:
« Исеменә килгәндә, кыю рәвештә «Алтын ачкыч» дип атарга тәкъдим итәм.
Алтын ачкыч — бала өчен зур әдәбият дөньясы ишеген ачу коралы. »
Җәлеп итү
Программада 3-6 яшьләрдәге 7-8 миллион тирәсе бала катнашыр дип фаразлана[7].
Искәрмәләр
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России (05.06.2025). 5 июнь 2025 тикшерелде.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту (05.06.2025). 6 июнь 2025 тикшерелде.
- ↑ 1 2 Путин предложил запустить программу "Детская книжная карта" - Российская газета (2025-06-05). 6 июнь 2025 тикшерелде.
- ↑ Путин предложил выпустить «детскую карту» на ₽3 тыс. для покупки книг (05.06.2025). 6 июнь 2025 тикшерелде.
- ↑ Что откроет «Золотой ключик»? (2026-01-11). 14 гыйнвар 2026 тикшерелде.
- ↑ С 2026 года в России начинает действовать программа «Детская книжная карта» (2026-01-04).
- ↑ Дети в России. Федеральная служба государственной статистики (1 июнь 2024). Мөрәҗәгать итү датасы: 3 июль 2025.