Бушканец Лия Ефимовна

Лия Ефимовна Бушканец 1966 елның 27 февралендә Казанда туа^[1]. Әтисе — Ефим Григорьевич (1922–1988), филология фәннәре докторы^[2][3]. Әнисе — Ирина Никифоровна (1937–2019), инглиз теле стилистикасы укытучысы^[4].

1982 елда Казанның 18 нче мәктәбен тәмамлый, В.И. Ульянов-Ленин исемендәге Казан дәүләт университетының филология факультетының рус теле һәм әдәбияты бүлегенә читтән торып укырга керә^[1]. Бер үк вакытта, 1985 елдан башлап, рус теле тарихы һәм тел белеме кафедрасында өлкән лаборант булып эшли, 1987 елда университетны яхшы билгеләргә тәмамлый, ә 1989 елдан укыта башлый^[5]. 1991 елда Казан дәүләт педагогия институтының чит телләр факультетына укырга керә, аны 1993 елда инглиз теле укытучысы квалификациясе белән тәмамлый. 1988–1992 елларда шулай ук читтән торып «рус әдәбияты» белгечлеге буенча рус һәм чит ил әдәбияты кафедрасында аспирантура тәмамлый^[2].

1994 елда Н. И. Лобачевский исемендәге Түбән Новгород дәүләт университетында доцент В. Н. Коновалов җитәкчелегендә «А. П. Чехов турында мемуарлар һәм XX гасыр башы әдәби–тәнкыйди бәхәсләр (1904–1908)» (рус. «Мемуары об А. П. Чехове и литературно-критические споры начала XX в. (1904—1908)») темасына диссертация яклый һәм филология фәннәре кандидаты гыйльми дәрәҗәсен ала^[2][5]. 2000 елда доцент гыйльми исемен ала^[2][1]. 2013 елда М. В. Ломоносов исемендәге Мәскәү дәүләт университетында «А. П. Чехов һәм 1880–1917 еллардагы рус җәмгыяте: әдәби репутация формалашу» (рус. «А. П. Чехов и русское общество 1880—1917 гг.: формирование литературной репутации») темасына диссертация яклап, филология фәннәре докторы була^[5][1]. 2016–2021 елларда Казан (Идел буе) федераль университетының Халыкара мөнәсәбәтләр институтында Халыкара мөнәсәбәтләр өлкәсендә чит телләр кафедрасы мөдире вазифасын башкара^[6][7]. Хәзерге вакытта Казан (Идел буе) федераль университетының Л. Н. Толстой исемендәге Филологии һәм мәдәниятара багланышлар институтында рус һәм чит ил әдәбияты кафедрасы профессоры булып эшли^[8].

Студент елларыннан ук фәнни эшчәнлегенең юнәлешен билгеләп, А. П. Чеховның, аның даирәсе, мемуарчыларның һәм биографларның тормышын һәм иҗатын, шул чорның тулаем әдәби процессын өйрәнү буенча махсуслаша^[2][5]. Россия фәннәр академиясе каршындагы Дөнья мәдәнияте буенча советта Чехов комиссиясе әгъзасы^[5], күп кенә фәнни хезмәтләр авторыЧыганакка җибәрү хатасы: Отсутствует закрывающий тег </ref>). Казан университеты музее советы әгъзасы^[2], 2000 елдан мактаулы әгъзасы^[9]. Шулай ук Татарстан Республикасы Милли музееның, А. М. Горький һәм Ф. И. Шаляпин музееның гыйльми советлары әгъзасы булып тора^[1]. Казан университетының яшь укытучылар ассоциациясе рәисе урынбасары итеп сайлана^[2], университетның диссертацияләр яклау советы әгъзасы булып тора^[1]. «Сез университетны беләсезме?» университет бәйгесендә даими жюри әгъзасы, «Балалар университеты» һәм «Өченче буын университеты» проектларында лекцияләр укый^[10]. 2023 елда Татарстан Республикасы Милли музееның филиалы булган Л. Н. Толстой музеена мөдир итеп билгеләнә^[11].

Кияүдә^[5], кызы бар^[10]. Буш вакытында бәйли һәм картиналар иҗат итә^[12].

• Татарстан Республикасы Президентының Рәхмәте (2022) — күпьеллык нәтиҗәле хезмәте, фән һәм мәгариф үсешенә һәм югары квалификацияле белгечләр әзерләүгә керткән өлеше өчен^[13][14].
• Татарстан Республикасы Дәүләт Советы Рәисенең Рәхмәт хаты (2016)^[15].
• «Үз эшендә профессионал» номинациясендә «Ел хатын-кызы» университет бәйгесе лауреаты (2013)^[16].
• Россия Федерациясе Мәгариф һәм фән министрлыгының (2011), Татарстан Республикасы Мәгариф һәм фән министрлыгының (2004) Мактау кәгазе^[9].

Автор

• Бушканец Л. Е. Мемуары об А. П. Чехове и литературно-критические споры начала XX века (1904—1908 гг.: диссертация кандидата филологических наук. — Нижний Новгород: Нижегородский государственный университет имени Н.И. Лобачевского, 1994. — 310 с. [рус.]
• Бушканец Л. Е., Махинина Н. Г., Насрутдинова Л. Х. Литература: пособие по подготовке к ЕГЭ: учебное пособие. — Казань: Издательство Казанского университета, 2010. — 443 с. — ISBN 9785981807824. [рус.]
• Бушканец Л. Е. «Он между нами жил…». А. П. Чехов и русское общество конца XIX — начала XX вв.. — Казань: Издательство Казанского университета, 2012. — 755 с. — ISBN 9785000190159. [рус.]
• Бушканец Л. Е. А. П. Чехов и русское общество 1880—1917 гг.: формирование литературной репутации: диссертация доктора филологических наук. — Москва: Московский государственный университет имени М. В. Ломоносова, 2013. — 630 с. [рус.]

Составитель

• Памяти Льва Толстого: сборник статей / сост. и отв. ред.: Л. Е. Бушканец. — Казань: Издательство Казанского университета, 2015. — 263 с. — ISBN 9785000195079. [рус.]
• Рецепция личности и творчества Льва Толстого: коллективная монография / редкол. Л. Е. Бушканец и др.. — Казань: Издательство Казанского университета, 2017. — 401 с. — ISBN 9785000198339. [рус.]
• Казанский край — поэзии душа: историко-литературный сборник / отв. ред. Л. Е. Бушканец. — Казань: Издательский дом «Мир без границ», 2021. — 271 с. — ISBN 9785604637531. [рус.]
• Мир исследователя. З. С. Паперный, А. П. Чудаков: материалы конференции, 2019 г. / отв. ред. Л. Е. Бушканец. — Москва: Российский государственный гуманитарный университет, 2022. — 404 с. — ISBN 9785728129851. [рус.]
• М. Горький и Красновидово: сборник / отв. ред. Л. Е. Бушканец. — Казань: Издательский дом «Мир без границ», 2022. — 166 с. — ISBN 9785604637524. [рус.]

• Лия Ефимовна Бушканец  [неопр.]. Казанский университет.