Владимир Васильев (1949)

1949 елның 11 августында Мәскәү өлкәсе Клин шәһәрендә (башка версия буенча Казакъстанның Көнчыгыш Казакъстан өлкәсе Курчум районы Алексеевка (каз. Теректі) авылында^[2]) туа. 8 сыйныфка кадәр Алик Әбдегали улы Асанбаев (каз. Алик Әбдуәліұлы Асанбаев) исем-фамилиясендә йөри. Атасы вафат булып, әнисе икенче кат кияүгә чыккач, үги атасының фамилиясенә (Васильев) күчә. 1968-1970 еллларда хәрби хезмәттә. Мәскәүдә ССРБ ЭЭМ махсус милиция мәктәбен (1972), Бөтенсоюз читтән торып укый торган юридик институтны (1978), ССРБ Эчке эшләр министрлыгы академиясен (1991) тәмамлый.

• 1967–1968 — Мәскәүдә төгәл прибор төзү ФТИ эшчесе.
• 1972–1983 — Мәскәүнең Бауман районы ЭЭБ тикшерүче, инспектор, өлкән инспектор, бүлек башлыгы урынбасары, БХСС бүлеге башлыгы.
• 1983–1987 — Мәскәү ЭЭИ БХСС идарәсе бүлек башлыгы, идарә башлыгы урынбасары.
• 1991–1992 — РСФСР ЭЭМ идарәне оештыру хезмәте инспекциясе баш инспекторы.
• 1992–1993 — Россия ЭЭМ штабы баш инспекциясе баш инспекторы.
• 1993–1995 — Россия ЭЭМ штабы башлыгы урынбасары — оператив идарә башлыгы.
• 1995–1997 — Мәскәү ЭЭИ башлыгы беренче урынбасары — штаб башлыгы.
• 1997 — Россия ЭЭМ оешкан җинаятьчелек белән көрәшү баш идарәсе башлыгының беренче урынбасары.
• 1997–1998 — РФ Эчке эшләр министрының беренче урынбасары — оешкан җинаятьчелек белән көрәшү баш идарәсе башлыгы.
• 1998–1999 — РФ Эчке эшләр министрының беренче урынбасары.
• 1999–2001 — РФ Куркынычсызлык шурасы сәркатибе урынбасары.
• 2001–2003 — статс–сәркатип — РФ Эчке эшләр министрының урынбасары.
• 2018–2020 — Дагыстан Республикасы Башлыгы.
• 2020 елның 5 октябреннән — РФ Президенты киңәшчесе^[3].

2003 елдан — IV, V чакырылыш Россия Дәүләт Думасы депутаты, куркынычсызлык комитеты рәисе. Тверь өлкәсеннән «Бердәм Россия» фиркасе федераль исемлеге буенча сайлана. «Бердәм Россия» фиркасе фракциясе җитәкчесе. Тверь өлкәсендә «Бердәм Россия» фиркасенең регион сәяси шурасы сәркатибе.

• Россия Федерациясенең атказанган юристы (2006);
• Батырлык ордены;
• Хөрмәт ордены;
• IV дәрәҗә «Ватан алдындагы хезмәтләре өчен» ордены;
• «Иҗтимагый танылу» алтын хөрмәт билгесе (2003).