Гүзәл Сөләйманова (1979)

Башкортстан дәүләт опера һәм балет театрының балет труппасында 1994 елдан эшли, 1997 елдан — солист.

Уфада үткән Рудольф Нуриев исемендәге Халыкара балет сәнгате фестивалендә күп мәртәбә катнаша. К. Пакетт (Grand Opera), Р. Рыкин (Бостон балет компаниясе), П. Москвито (Дрезден балет труппасы), Д. Тамазлакару (Берлин театры Staatsballet), А. Евдокимов, К. Иванов, М. Ивата (Зур театр) кебек артистлар белән партнерлыкта чыгыш ясый.

2004 елда Гүзәл Сөләйманованың тууына 25 ел һәм иҗади эшчәнлегенә 10 ел тулуга Л. Минкусның «Баядерка» спектакле багышлана, анда балерина Никия партиясен башкара.

2005 елда Каһирәдәге Cairo Opera House театры җитәкчелеге чакыруы буенча «Дон Кихот» һәм «Щелкунчик» премьера спектакльләрендә чыгыш ясый.

2008 елда Башкортстан Республикасы делегациясе составында Франциядә, ЮНЕСКО штаб-фатирында сәнгать осталарының гала-концертында катнаша.

• Р. Нуриев исемендәге Башкорт хореография училищесы (Башкортстан Республикасының халык артисткасы Л. Шапкина сыйныфы) — 1997 ел.
• Казан дәүләт мәдәният һәм сәнгать университеты (хәзер — Казан дәүләт мәдәният институты) («педагог-хореограф» белгечлеге) — 2003 ел.

• Лиза («Артык саклану» П. Гертель);
• Сильфида («Сильфида» Х. Левенсхольд);
• Анна («Анюта» В. Гаврилин);
• Жизель, Па-де-де («Жизель» А. Адан);
• Анель, Франциска, Вакх кызы («Зәңгәр Дунай» И. Штраус);
• Вариация («Пахита» Л. Минкус);
• Китри, Жуанита һәм Пиккилия, Китри күренеше, Икенче вариация («Дон Кихот» Л. Минкус);
• Никия, Гамзатти («Баядерка» Л. Минкус);
• Вакх кызы («Вальпургия төне» Ш. Гно);
• Җиденче вальс һәм мазурка, Прелюд, Сильфида («Шопениана»);
• Одетта-Одиллия, Италия кәләше, Принцның дуслары («Аккош күле» П. Чайковский);
• Аврора, Принцесса Флорина, Назбикә феясы, Юмартлык феясы, Бриллиант феясы («Йокыга талган гүзәл» П. Чайковский);
• Мари, Кытай курчагы, Испан курчагы, Рус курчагы («Щелкунчик» П. Чайковский);
• Мария («Бакчасарай фонтаны» Б. Асафьев);
• Джульетта («Ромео һәм Джульетта» С. Прокофьев);
• Көлбикә, Рус биюе («Көлбикә» С. Прокофьев);
• Кармен («Кармен-сюита» Ж. Бизе — Р. Щедрин);
• Зәйтүнгөл, Кечкенә торналар («Торна җыры» Л. Степанов, З. Исмәгыйлев);
• Гөлҗан («Хуҗа Насретдин» Л. Исмәгыйлева);
• Йолдыз, Иркә («Аркайым» Л. Исмәгыйлева);
• Бекки Тэтчер («Том Сойер» П. Овсянников).

Опера һәм балет театры труппасы составында АКШ (1995 ел), Италия (2000 ел, 2003 ел), Голландия (1995 ел), Мисыр (2003 ел, 2005 ел), Португалия (2005 ел, 2007 ел), Таиланд (2006 ел, 2008 ел), Бразилия (2007 ел) кебек илләрдә гастрольләрдә булды.

• 1998 ел — «Башкортстан Республикасының атказанган артисты»;
• 1999 ел — Киевта Сержа Лифарь исемендәге Халыкара балет артистлары конкурсы лауреаты (II премия һәм көмеш медаль);
• 2000 ел — Ш. Бабич исемендәге Башкортстан Республикасы яшьләр премиясе лауреаты;
• 2000 ел — Будапештта Р. Нуриев исемендәге Халыкара балет артистлары конкурсы дипломанты;
• 2001 ел — Казанда Халыкара балет артистлары конкурсы дипломанты («Нәфислек өчен» махсус призы);
• 2003 ел — Астанада «Шабыт» («Илһам») Халыкара иҗади яшьләр конкурсы лауреаты (I премия);
• 2003 ел — «Башкортстан Республикасының халык артисты»;
• 2004 ел — Пермьдә «Арабеск» Халыкара балет артистлары конкурсы дипломанты («Башкорт һәм татар халыклары мәдәниятен үстерүгә керткән өлеше өчен» махсус премиясе);
• 2007 ел — «Россия Федерациясенең атказанган артисты»;
• 2008 ел — «Лебединое озеро»да Одетта-Одиллия, «Ромео и Джульетта»да Джульетта, «Аркаим»да Йолдыз, «Бахчисарайский фонтан»да Мария рольләрен югары осталык белән башкарган һәм республика балет сәнгатенә зур өлеш керткән өчен Башкортстан Республикасының Салават Юлаев исемендәге Дәүләт премиясе бирелде.