Дамир Әхмәтов (1936)
| Дамир Әхмәтов | |
|---|---|
 | |
| Тулы исеме | Дамир Рәхмәтулла улы Әхмәтов |
| Туган көне | 1936 елның 17 августы |
| Туган | ТАССР, Сарман районы, Хуҗи авылы |
| Эшчәнлеге | авыл хуҗалыгы хезмәткәре |
| Бүләк һәм премияләр | |
Дамир Рәхмәтулла улы Әхмәтов (рус. Ахметов Дамир Рахматулловичвич) — Социалистик Хезмәт Герое. Ленин, Хезмәт Кызыл Байрагы орденнары кавалеры.
Тәрҗемәи хәле
1936 елның 17 августында Сарман районы (хәзер Тукай районы), Хуҗи авылында туа.
Чаллыда механикалаштыру мәктәбен тәмамлый, 1952 елдан - Теләнче Тамак МТСында комбайнчы. 1959–1967 елларда «Мәгариф» колхозында.
1956-1959 елларда армия хезмәт итә, взвод командиры урынбасары.
"Мәгариф" колхозында слесарь һәм комбайнчы, соңрак МТСта хезмәт куя. 1964 елда район комбайнчылары арасында икенче урынга чыга, аннан соңгы елларда, бер сезонда 10-12 мең центнер бөртек җыеп суктырып беренчелекне яулый.
1966 елда, игеннәрне урып-сугуда, техника кулланып, югары күрсәткечләргә ирешкәне өчен, Социалистик Хезмәт Герое исеме бирелә.
1969–1985 елларда Сарман районының «Үрнәк» колхозы рәисе. Хуҗалык игенчелек һәм терлекчелек продукциясе җитештерү һәм дәүләткә сату буенча социалистик ярышта берничә тапкыр җиңүче була.
Казан авыл хуҗалыгы институтын тәмамлый (1977).
Сәламәтлеге какшау сәбәпле хуҗалык җитәкчелегеннән китә, Сарман районының Мортыш Тамак Авыл советын җитәкли (1985–1996).
2008 елның 20 июнендә вафат булган, Тукай районы Хуҗи авылында җирләнгән.
Иҗтимагый эшчәнлеге
Актив җәмәгать эшчәнлеге алып бара: 30 елдан артык район советы депутаты булып тора. Татарстан өлкә профсоюзлар советы әгъзасы, XIV СССР профсоюзлар съезды делегаты булып сайлана.
Җирле ветераннар советы рәисе, «Үрнәк» күмәк хуҗалыгы идарәсе әгъзасы булып тора.
Дәүләт бүләкләре
Социалистик Хезмәт Герое (1966).
Ленин, Хезмәт Кызыл Байрагы орденнары кавалеры, күпсанлы медальләр иясе.
Әдәбият
- Хәйруллин Х.Г. Хуҗида үскән батыр: очерклар. – Казан: Татар. кит. нәшр., 1972. – 128 б.
- Татарстанның Социалистик Хезмәт Геройлары (1938–1978): Документаль очерклар. Казан, 1980.