Касыйм Дәүләткилдиев
Дәүләткилдиев Касыйм Сәлигаскәр улы (11 апрель 1887, Күгел (Марьино) авылы, Уфа өязе, Уфа губернасының Новоселовский вулысы, хәзерге Благовар районы — рәссам-график, Башкортстан сынлы сәнгатенең башлап җибәрүчеләрнең берсе. 1937 елдан СССР Рәссамнар берлеге әгъзасы.
Нәселе
Чыгышы белән Уфа губернасы татар кенәзләре Дәүләткилдиевләр нәселеннән.
Уку еллары
1914 елда Петербургтагы барон Штиглицның Үзәк сәнгать-кәсепче уку йортын тәмамлый (хәзерге В.И. Мухина исемендәге Югары сәнгать-кәсепче уку йорты). 1914-16 елларда Петербург сәнгать уку йортында укыта. 1916-17 елларда - Петербургның сәнгать академиясендә ирекле тыңлаучы. 1917 елдан башлап Уфада яши һәм иҗат итә.
Совет чоры
1919 елдан башлап тимер юл кярханәләре каршындагы изостудиядә, Уфа сәнгать техникумында (1930-35), татар-башкорт педагогика курсларында (1930-37) укыта. 1928-35 елларда башкортлар яшәгән көньяк-көнчыгыш районнарына сынлы сәнгать Академиясе өчен этнографик һәм башкорт халык бизәлеш-кулланма материалы тупларга җибәрелә. Баймак, Бөрҗән районнарында чагында “Яңа Усман авылы”, “Түбә руднигы”, “Баймак заводы күренеше” (1933) кебек пейзаж әсәрләре яза. Күбрәк акварель техникасында эшли.[2]
Шулай ук карагыз
Искәрмәләр
- ↑ Касыйм Дәүләткилдиевка багышланган триптихның үзәк өлеше
- ↑ Башкирская энциклопедия(үле сылтама)