Гали Надрюков

Мингали Надрюков Чиләбе өлкәсенең Варна районы Варна авылында туа. 1927 елда ул Троицк татар театрында эшли башлый. 1931–1933 елларда — Свердловскида Урал татар эшче театрында. 1935–1936 елларда — Әстерхан татар театрында, 1936 елдан — Татар академия театрында. Бөек Ватан сугышында катнаша.

Мингали Надрюков — төрле холыклы образлар иҗат иткән танылган артист. Ул башкарган рольләр:

• Севастьянов – «Безнең шәһәрнең егете» (Константин Симонов);
• Ниязов – «Дәүләт Бәдриев» (Газиз Иделле);
• Харитонов – «Диңгездәгеләр өчен» (Борис Лавренёв);
• Осип – «Ревизор» (Hиколай Гоголь);
• Галәви – «Зәңгәр шәл» (Кәрим Тинчурин);
• Орлов - «Мулланур Вахитов» (Нәкый Исәнбәт);
• Җиһангир – «Хуҗа Насретдин» (Нәкый Исәнбәт);
• Бикамат – «Зифа» (Нәкый Исәнбәт);
• Шәүлихан – «Ташкыннар» (Таҗи Гыйззәт);
• Җамалетдин – «Банкрот» (Галиәсгар Камал);
• Анастасне – «Мәхәббәт утравы» (Алексис Парнис);
• Бардин – «Дошманнар» (Максим Горький);
• Аманҗолов – «Гүзәлем Әсәл» (Чыңгыз Айтматов);
• Дәүләтбай – «Кыз урлау» (Мостай Кәрим);
• Госман – «Күк капусы ачылса» (Хәй Вахит);
• Богатырёв – «Бер төн» (Борис Горбатов).