Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Наилә Гыйләҗева

РУВИКИ проектының татар бүлегендә Гыйләҗев фамилияле башка кешеләр турында да мәкаләләр бар

Наилә Фәйзрахман кызы Гыйләҗева (рус. Наиля Файзрахмановна Гилязова; 2 гыйнвар 1953, Казан, Татарстан АССР, РСФСР, СССР) — совет фехтованиечесе, СССРның атказанган спорт остасы (1976). Татарстан Республикасының атказанган физик культура хезмәткәре (1994)[1][2]. 1985 елда спорт карьерасын тәмамлый[3].

Тәрҗемәи хәле

1953 елның 2 гыйнварында Казанда туа[4]. 1967 елда фехтование белән шөгыльләнә башлый, аның беренче тренеры — А. С. Кислюнин. 1970 елдан В. В. Житлов җитәкчелегендә шөгыльләнә[1]. 1975 елда Казан дәүләт педагогия институтының физик тәрбия факультетын тәмамлый[1].

Спор карьерасы

Рапирада фехтование буенча СССР командасы составында 1976 елгы Олимпия чемпионы. 1980 елгы Олимпия уеннарында команда ярышларында көмеш призёр була һәм шәхси беренчелектә 9 нчы урынны ала[5]. Дөнья чемпионатларында команда беренчелегендә (1974, 1975, 1977, 1978, 1979) һәм шәхси беренчелектә (1982) алтын медальләр, команда ярышларында көмеш (1973) һәм шәхси зачётта бронза (1974) яулый[3]. 1974 елдан алып 1985 елга кадәр СССР җыелма командасы составына керә, аның белән 1975—1977 елларда Европа Кубогында җиңә. СССРның 12 тапкыр чемпионы, шуларның икесендә шәхси беренчелектә җиңү яулый (1979, 1983). «Динамо» (Казан) өчен чыгыш ясый. 1985 елда спорт карьерасын тәмамлый[3].

Тренерлык һәм җәмәгать эшчәнлеге

1983 елдан Татарстанның Эчке эшләр министрлыгы системасында инструктор-методист булып эшли[4][3]. 1991 елдан Казандагы фехтование буенча Республика олимпия резервы спорт мәктәбендә (РОРСМ) өлкән тренер булып эшли[1]. 1997 елдан Казанда Н. Ф. Гыйләҗева бүләгенә фехтование буенча турнир үткәрелә[1].

Бүләкләре, мактаулы исемнәре

  • «Хезмәт Кызыл Байрагы» ордены[1][4];
  • «Хезмәттәге батырлык өчен» медале;
  • РФнең «Физик культураны һәм спортны үстерүдәге казанышлары өчен» мактау билгесе (2002)[1];
  • Россия Федерациясенең атказанган физик культура хезмәткәре (2004);
  • Татарстан Республикасының атказанган физик культура хезмәткәре (1994)[1];
  • Татарстан Республикасының ХХ гасырдагы иң яхшы спортчысы исеме (2000)[1];

Гаиләсе

Ире — Фәрит Мөбәрак улы Әскаров. Кызлары: Дилбәр, Нәргиз.

Искәрмәләр

  1. ↑ 1 2 3 4 5 6 7 8 9 Гилязова Наиля Файзрахмановна. slava-dan.tatarstan.ru. Мөрәҗәгать итү датасы: 17 май 2026.
  2. ↑ Наиля Гилязова – легенда татарстанского спорта. dinamo.tatarstan.ru. Мөрәҗәгать итү датасы: 17 май 2026.
  3. ↑ 1 2 3 4 Гилязова Наиля Файзрахмановна. Tatobzor. Мөрәҗәгать итү датасы: 17 май 2026.
  4. ↑ 1 2 3 Наиля Гилязова. tatarlar.info. Мөрәҗәгать итү датасы: 17 май 2026.
  5. ↑ Наиля Гилязова. Olympteka. Мөрәҗәгать итү датасы: 17 май 2026.

Тема буенча өстәмә

Төркемнәр