Наталья Комарова

1955 елның 21 октябренда Псков өлкәсе Язво авылында туа. Урта мәктәпне Болгариядә, Коммунарск (Украинада: Алчевск)^[2] тау-металлургия институтын «инженер-икътисадчы» белгечлеге буенча тәмамлый (1978). 1980 елдан Яңа Уренгойда яши.

• 1978 — Коммунарск металлургия заводында хезмәт буенча техник, икътисадчы.
• 1980–1988 — Яңа Уренгой шәһәр шурасы башкарма комитетында эшли.
• 1988–1992 — шәһәр башкарма комитеты рәисе урынбасары, шәһәр план комиссиясе рәисе.
• 1992–1994 — Яңа Уренгой шәһәр хакимияте башлыгының беренче урынбасары.
• 1994–1997 — Яңа Уренгой хакимияте башлыгы.
• 1997–2000 — Яңа Уренгой мэры.
• 2000–2001 — Ямал-Ненец автономияле округы губернаторының беренче урынбасары.
• Төп административ эше белән беррәттән Төмән дәүләт нефть һәм газ университеты социаль менеджмент кафедрасы доценты булып эшли.
• 2010–2015 — Хант-Манси автономияле округы губернаторы. 2015 елның 27 февраленнән губернатор вазифаларын башкаручы.^[3]

• 2001 — III чакырылыш Россия Дәүләт думасына (дипломатия эшенә киткән Виктор Черномырдин урынына) сайлана. «Ватаным-Бердәм Россия» фракциясе әгъзасы була.
• 2003 — IV чакырылыш Россия Дәүләт думасына сайлана. «Бердәм Россия» фракциясе әгъзасы, Табигый чыганаклар һәм табигатьтән файдалану комиссиясе рәисе була.
• 2007–2010 — V чакырылыш Россия Дәүләт думасына сайлана («Бердәм Россия» сәяси фиркасе федераль исемлеге буенча). «Бердәм Россия» фиркасенең генераль шурасы әгъзасы.
• 1999 — РФ муниципаль берәмлекләре конгрессы идарәсе әгъзасы итеп сайлана.
• 2000 елның маеннан Аурупаның җирле һәм региональ хакимиятләр конгрессының җирле хакимиятләр пулатында Россия Федерациясе вәкиле. Җирле хакимиятләр пулатының тыныч үсеш буенча комитетының вице-президенты.

• Дуслык ордены (1998);
• Хөрмәт ордены (2006);
• III дәрәҗә Изге равноапостоллы княгиня Ольга ордены (православие чиркәве ордены) (2013);
• Яңа Уренгой шәһәренең хөрмәтле ватандашы;
• 1997 — Бөтенроссия «Хатын-кыз-97» конкурсында «Тигез хокуклар һәм тигез мөмкинлекләр» номинациясендә җиңүче.