Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Ратмир Мәүлиев

РУВИКИ проектының татар бүлегендә Мәүлиев фамилияле башка кешеләр турында да мәкаләләр бар

Ратмир Рафил улы Мәүлиев (рус. Ратмир Рафилович Мавлиев; 14 август 1989, Нефтекама, Башкортстан) — Россия дәүләт эшлеклесе, юрист. Башкортстан Республикасы Уфа шәһәр округы хакимияте башлыгы (2022—2026; 14 февраль — 16 март 2022 — вазифасын башкаручы)[1]. «Бердәм Россия» партиясенең җирле бүлекчәсе сәркатибе[2]. Башкортстан Республикасы Нефтекама шәһәре шәһәр округы хакимияте башлыгы (март 2019 — 14 февраль 2022)[3], элекке эшмәкәр[4].

2026 елның 28 апрелендә Мәүлиев вазифаи һәм коррупцион җинаятьләрдә шикләнү буенча сак астына алына[5][6] һәм вакытлыча вазифа башкарудан читләтелә. 2026 елның 14 июлендә Уфа шәһәр советы контрактны өзә һәм аны рәсми рәвештә вазифасыннан азат итә[7].

Тормыш юлы

2008 елда төрле юнәлешләрдә эшмәкәрлек эшчәнлеге белән шөгыльләнә башлый[4].

2011 елда «Юриспруденция» белгечлеге буенча Башкорт дәүләт университетын тәмамлый. Шул ук елда Мәскәү халыкара югары бизнес мәктәбендә  [рус.] (тат. яңадан әзерлек үтә.

2014 елда Россия Федерациясе Хөкүмәте каршындагы финанс университетын тәмамлый[4].

Сәяси һәм иҗтимагый эшчәнлеге

2013 елдан — «Сайла!» яшьләр берләшмәсе әгъзасы. Җирле спорт көрәше федерациясен җитәкли. Башкортстан Дәүләт Җыелышы — Корылтай каршындагы Яшьләр иҗтимагый палатасы составына керә[4].

2015 елның декабреннән 2016 елның апреленә кадәр — инфраструктура үсеше буенча җитәкче урынбасары.

Татарстан Республикасының Ютазы муниципаль районы башкарма комитеты җитәкчесе вазифаларын башкара.

2016 елның апреленнән 2019 елның мартына кадәр Әлмәт муниципаль районы башлыгының инвестицион үсеш буенча киңәшчесе булып эшли.

2019 елның мартыннан — Башкортстан Республикасының Нефтекама шәһәре округы хакимияте башлыгы.

2022 елның 14 февралендә Башкортстан Республикасының Уфа шәһәре округы хакимияте башлыгы вазифаларын башкаручы итеп билгеләнә.

2022 елның 16 мартында Ратмир Мәүлиев Башкортстан Республикасының Уфа шәһәре округы хакимияте башлыгы вазифасына раслана.

Уфа хакимияте башлыгы вазифасында берничә шәһәр проектына кураторлык итә. Алар арасында — Махсус хәрби операциядә катнашучыларга һәм аларның гаиләләренә ярдәм итү инициативаларын тормышка ашыру. 2024 елның июлендә Украина Генераль прокуроры Мәүлиевкә Россия армиясен финанслауда гаепләү белдерә[8].

2023 елның 6 октябрендә Пермьдә хисап-сайлау гомуми җыелышы әгъзалары тарафыннан Идел буе шәһәрләре ассоциациясе рәисе итеп сайлана[9].

Җинаять эше

2026 елның 28 апрелендә Мәүлиев вазифаи һәм коррупцион җинаятьләрдә шикләнелеп тоткарлана. Мэр белән бергә тагын өч кешене кулга алганнар: аның урынбасары, төбәктәге бер санаторийның директоры. Тикшерү версиясе буенча, 2025 елда хакимият башлыгы «яклаучылык иткән өчен» төзелеш оешмасы вәкиленнән, соңыннан үз исеменә рәсмиләштерү шарты белән, 13 миллион сумлык җир кишәрлеге рәвешендә ришвәт таләп иткән. Моңа кадәр, март аенда, массакүләм мәгълүмат чараларында санаторий җире белән бәйле махинацияләрдә шикләнелүче «Уфаның Бердәм хисап-касса үзәге» ҖЧҖ генераль директоры Айгөл Винниковага карата җинаять эше кузгатылуы турында хәбәр ителгән була[5].

2026 елның 11 маенда Мәүлиев йөрәге авырту аркасында үзен начар хис итүе сәбәпле хастаханәгә яткырыла[10].

2026 елның июнь ахырына җинаять эше алдан тикшерү стадиясендә була. 2026 елның 25 июнендә Уфаның Совет районы суды өй сагында тоту вакытын 2026 елның 28 августына кадәр озайта[11].

2026 елның 3 июлендә Башкортостанның Югары суды өй сагында тотуны 28 августка кадәр билгеле бер гамәлләрне тыюга алмаштыра, шул ук вакытта Мәүлиев гаебен танымый[12][13].

Эшмәкәрлек

2008 елдан төрле өлкәләрдә бизнес белән шөгыльләнә[4]. Муниципаль хезмәткә кергәнче, Р. Р. Мәүлиев берничә компания, шул исәптән әтисе нигез салган «Абсолют» компаниясе төркеме белән (автомобильләр сату, пластик эшләнмәләр җитештерү, күчемсез милек төзү һәм аның белән идарә итү, саклау эшчәнлеге, җәмәгать туклануы белән шөгыльләнә), шулай ук «Терра-строй», «Терра-мобил», «Терра-инвест», «АвтоК», «Премьер-авто» һәм башка ҖЧҖләр белән идарә итә[5].

Гаиләсе

Өйләнгән, никах туйлары 2018 елда Стәрлетамак районындагы татар авылы Кантюковкадагы Суфия мәчетендә уза. Уллары Гыймран (Имран) һәм Маннур (Манур)[14].

Бүләкләре

  • II дәрәҗә «Ватан алдындагы хезмәтләре өчен» орден медале[15].

Искәрмәләр

  1. ↑ Администрация городского округа город Уфа Республики Башкортостан. Руководство города. Мавлиев Ратмир Рафилович.Глава (рус.). Официальный сайт администрации. Мөрәҗәгать итү датасы: 14 ноябрь 2025.
  2. ↑ Мавлиев Ратмир Рафилович. Глава Администрации городского округа город Уфа, Член Президиума Регионального политического совета, Секретарь местного отделения Партии (рус.). Партия «Единая Россия», официальный сайт. Мөрәҗәгать итү датасы: 14 ноябрь 2025.
  3. ↑ Мавлиев Ратмир Рафилович (рус.). Уфимский бизнес портал «ГлобалУФА.ру». Мөрәҗәгать итү датасы: 14 ноябрь 2025.
  4. ↑ 1 2 3 4 5 Гордиев узел Нефтекамска для молодого Ратмира Мавлиева — Реальное время (рус.). realnoevremya.ru. Мөрәҗәгать итү датасы: 14 ноябрь 2025. Архивировано 5 декабрь 2020 года.
  5. ↑ 1 2 3 СКР объяснил задержание мэра Уфы Ратмира Мавлиева. Коммерсантъ (28 апрель 2026). Мөрәҗәгать итү датасы: 28 апрель 2026.
  6. ↑ СКР объяснил задержание мэра Уфы Ратмира Мавлиева (2026-04-28). 28 апрель 2026 тикшерелде.  [рус.]
  7. ↑ Горсовет Уфы расторг контракт с Ратмиром Мавлиевым. UFA1.RU (14 июль 2026). Мөрәҗәгать итү датасы: 14 июль 2026.
  8. ↑ Мэра Уфы задержали в его кабинете: что известно. inkazan.ru. Мөрәҗәгать итү датасы: 28 апрель 2026.
  9. ↑ Мэр Уфы Ратмир Мавлиев стал председателем Ассоциации городов Поволжья Мэр Уфы Ратмир Мавлиев стал председателем Ассоциации городов Поволжья. Медиакорсеть (6 октябрь 2023). Мөрәҗәгать итү датасы: 14 ноябрь 2025.
  10. ↑ Находящегося под домашним арестом мэра Уфы Мавлиева госпитализировали — РБК (рус.). www.rbc.ru (12 май 2026). Мөрәҗәгать итү датасы: 13 май 2026. [рус.]
  11. ↑ Суд продлил домашний арест мэру Уфы Ратмиру Мавлиеву до конца августа. РБК Уфа (25 июнь 2026). Мөрәҗәгать итү датасы: 25 июнь 2026.
  12. ↑ Верховный суд Башкирии заменил мэру Уфы домашний арест на запрет определенных действий. ТАСС. Мөрәҗәгать итү датасы: 3 июль 2026.
  13. ↑ Верховный суд Башкирии изменил меру пресечения мэру Уфы Ратмиру Мавлиеву. Комсомольская правда Уфа. Мөрәҗәгать итү датасы: 3 июль 2026.
  14. ↑ Кто такой Ратмир Мавлиев, новый мэр Уфы, кто его отец в Нефтекамске. ufa1.ru, 17.02.2022
  15. ↑ Сергей Николаев. Владимир Путин наградил мэра Уфы Ратмира Мавлиева (рус.). ИА «Башинформ» (19 сентябрь 2024). Мөрәҗәгать итү датасы: 14 ноябрь 2025.

Сылтамалар

Төркемнәр