Роберт Мортазин

1958 елның 7 гыйнварында Татарстанның Әтнә районы Иске Өҗем авылында туа. 1982 елда Казан театр училищесын, 2009 елда Казан дәүләт мәдәният һәм сәнгать университетын тәмамлый.

В 1983—1984 елларда Г. Камал исемендәге Татар дәүләт академия театрында эшли.

1984 елдан К. Тинчурин исемендәге Татар дәүләт драма һәм комедия театры артисты булып эшли башлый. 1987 елда, театрының үз бинасы булдырылганнан соң, җитәкчелек эшенә күчерелә — сәхнәләштерү бүлеге мөдире, баш администратор, директор урынбасары булып эшли^[1].

2000—2002 елларда — Г. Камал исемендәге академия театрында баш администратор.

2002—2013 елларда — Г. Кариев исемендәге Казан татар дәүләт яшь тамачы театры директоры^[2]. 2017 елга караган мәгълүматлар буенча, С. Сәйдәшев исемендәге Зур концертлар залында директор урынбасары булып эшли^[3].

Роберт Мортазин җитәкчелеге астында Яшь тамачы театры берничә халыкара конкурста, шул исәптән «АРТ-ОРДО» Халыкара театр фестивалендә, «КУГУ-СОРТА» этно-арт театр фестивалендә, «Нәүрүз» VIII Халыкара театр фестивалендә җиңүләр яулый. Шулай ук Яшь тамачы театры Роберт Мортазин җитәкчелеге астында беринчә грант ота^[4].

2007 елда «Татар-информ» Республика мәгълүмат агенлыгы Роберт Мортазин турында болай дип яза:

Яңа директор Роберт Мортазин һәм баш режиссер Ренат Әюпов килү белән Татар яшь тамашачы театрында күп нәрсә үзгәрде. Соңгы елларда театрның үсеше күзгә күренеп тора. Бишкәк шәһәрендә узган ике конкурста катнашуларын искә төшерү дә җитә. Беренче тапкыр «Сак-Сок» спектакле өчен икенче урын бирелгән булса, «Печән базары» аларга беренче урынны китерде. Театрның бу казанышларын инде беркем дә шик астына куймас, чөнки һәр спектакльнең үз йөзе, үз характеры бар[5].

2008 елда Г. Кариев театрында Роберт Мортазинның 50 яшьлек юбилее билгеләп үтелә. Бу уңайдан Мортазинга Татарстан Республикасының атказанган мәдәният хезмәткәре исеме бирелә^[6].

Роберт Мортазин җитәкчелек иткән вакытта Яшь тамашачы театрына яңа бина бирелә. 2002 елдан театр Казанның Гладилов урамындагы Алафузов йортында урнаша^[7], 2012 елда театрның Петербург урамындагы Офицерлар йортына күчүе турында карар кабул ителә^[8].

• Татарстан Республикасының атказанган мәдәният хезмәткәре (2008);
• Татарстан Республикасы Мәдәният министрлыгының «Мәдәнияттәге казанышлар өчен» мактау билгесе (2008);
• «Казанның 1000 еллыгы истәлегенә» медале;
• Д. Сираҗиев исемендәге премия^[5].

Өйләнгән, ике улы бар.

Йорт хайваннарын ярата һәм үсемлекләр белән кызыксына^[9].