Рәмзия Габделхакова

РУВИКИ проектының татар бүлегендә Габделхаков фамилияле башка кешеләр турында да мәкаләләр бар

Рәмзия Габделхакова, Рәмзия Гайса кызы Габделхакова (Юнысова) (1959 елның 2 ноябре, ТАССР, Чирмешән районы, Иске Үтәмеш) — шагыйрә, прозаик, журналист. Татарстанның журналистлар (2000 елдан) һәм язучылар (2003 елдан) берлекләре әгъзасы. Татарстанның атказанган мәдәният хезмәткәре (2015), Ш. Бикчурин (1998) һәм С. Сөләйманова (2006, 2019) исемендәге премияләр лауреаты.

1959 елның 2 ноябрендә Татарстан АССР Чирмешән районы Иске Үтәмеш авылында туган. Хәзер Әлмәт шәһәрендә яши.
Казан дәүләт университетының журналистика һәм социология факультетын тәмамлаган. Сәүдә системасында, җирле радиотапшырулар редакцияләрендә, Лениногорск районында чыгучы «Заман сулышы» газетасында хезмәт күрсәтә.^[1]

Кар өстендә миләшләр. Шигырьләр. Лениногорск, 1996;
Көзге яшен. Шигырьләр. Казан, 2005;
Көмеш тун. Хикәяләр. Казан, 2006;
Тау артында кояш бар. Роман һәм хикәяләр. Казан, 2011;^[2]
Нишләттегез Гөлкәйне?! Повестьлар. Казан, 2014
Канатсыз очыш. Повесть һәм хикәяләр. Казан, 2019

Җыентыкларда

«Җырларымны сиңа багышлыйм» — 1995;
«Чишмә җыры» — 1998;
«Син дә шагыйрь, мин дә шагыйрь» — 2000;
«Балаларга бүләк» — 2007;
«Яңа базар» — 2012;
«Современные татарские рассказы» — 2012.
«Илһамият чишмәләре» — 2013

1998 — Ш. Бикчурин исемендәге премия — «Чишмә җыры» әлманахында (Лениногорск) басылган шигырьләре өчен^[3]
2006 — С. Сөләйманова исемендәге премия — кызыксындыру премиясе.
2015 — Татарстан Республикасының атказанган мәдәният хезмәткәре
2019 — С. Сөләйманова исемендәге премия — төп премия^[4].

↑ Рамзия Габдулхакова / Лениногорская централизованная библиотечная система 2018 елның 2 февраль көнендә архивланган. [рус.]
↑ Габделхакова Р. Г. Тау артында кояш бар : роман, хикәяләр. — Казан: Татарстан китап нәшрияты, 2011. — Б. 477. — ISBN 978-5-298-02128-9.
↑ Премия им. Ш. Бикчурина. 1989 2018 елның 4 февраль көнендә архивланган..
↑ С. Сөләйманова премиясенең яңа лауреатлары. «Казан утлары», 2019 ел, № 12, 191нче бит