Рөстәм Шәмсутов
Рөстәм Илшат улы Шәмсутов (Пустой шаблон {{ВД-Преамбула}}) — рәссам, Сәнгать белеме кандидаты, Татарстан Республикасы һәм Россия Рәссамнар берлеге әгъзасы, Б. Урманче премиясе лауреаты (2005), Татарстан Республикасының атказанган сәнгать эшлеклесе (2014), Казан дәүләт архитектура-төзелеш университетының өлкән укытучысы.
Тәрҗемәи хәле
1965 елның 4 июлендә Казан шәһәрендә туа. 1991 елда — Мәскәү архитектура институтын тәмамлаган. 1997 елда — Казан дәүләт университетының татар филологиясе, тарихы һәм Көнчыгыш телләре факультетын тәмамлый.
күпсанлы мәкаләләр һәм фәнни хезмәтләр авторы, сәнгать һәм мәдәниятне үстерү проблемалары буенча халыкара һәм Россия конференцияләрендә катнашучы, «Татар шамаилендә сүз һәм образ: үткәннән бүгенге көнгә кадәр»(2003) китабы авторы. Р. Шәмсутов, белеме буенча архитектор буларак, мәчетләрне, җәмәгать интерьерларын архитектура проектлауда һәм бизәүдә актив катнаша.
Казанда яши һәм эшли.
2025 елда Казанда «Глиняная книга: возвращение к истокам» шәхси күргәзмәсе ачыла[1]. 2025 елда аның «Многогранное искусство татарского шамаиля» хезмәте «Ичиг, калфак, шамаиль: Традиционное искусство поволжских татар» монографик җыентыгында басыла[2].
Мактаулы исемнәре һәм бүләкләре
- Кол Шәриф мәчете проекты өчен архитектур конкурста 2 нче урын өчен республика премиясе (1997);
- «Рухият» мәдәни фондының «Төрки дөнья» картиналары сериясе өчен республика премиясе (1998);
- ТР Мәдәният министрлыгының сәнгать өлкәсендә Бакый Урманче исемендәге республика премиясе «Татар шамаилендә сүз һәм образ» (Казан, Тат кн. нәшр, 2003 — 200с) китабы өчен (2005);
- Шамаиль күргәзмәсендә катнашкан өчен Алабуга музей-тыюлыгының Рәхмәт хаты (2009);
- Республика каллиграфия конкурсында оештырган һәм катнашкан өчен Татарстан Республикасы мөселманнары Диния нәзарәте дипломы (2011);
- Татарстан Республикасы мөселманнары Диния нәзарәтенең Рәхмәт хаты — «Нур» мәчете бизәлеше өчен (Татарстан Республикасы, Актаныш районы, 2012);
- Татарстан Республикасы Мәдәният министрлыгының Мактау грамотасы (2012);
- Татарстан Республикасы Рәссамнар берлегенең Рәхмәт грамотасы (2013);
- Татарстан Республикасының атказанган сәнгать эшлеклесе (2014);
- ТР Дәүләт сынлы сәнгать музееның Рәхмәт хаты (2022)[2];
- ТР Мәдәният министрлыгының Рәхмәт хаты (2022)[2].
Чыганаклар
- ↑ «Я прошлась по залам и поняла, что Рустем Шамсутов тот художник, о котором мечтал Баки Урманче». Миллиард.Татар (22 апрель 2025). Мөрәҗәгать итү датасы: 24 сентябрь 2026.
- ↑ 1 2 3 Шамсутов Рустем Ильшатович. Казанский государственный архитектурно-строительный университет. Мөрәҗәгать итү датасы: 24 сентябрь 2026.