Христофор Колумб

РУВИКИ проектының татар бүлегендә шундый фамилия белән башка кешеләр турында мәкаләләр бар: Колумб.

Христофо́р Колу́мб (итал. Cristoforo Colombo, исп. Cristóbal Colón, лат. Christophorus Columbus; 1451 елның көзе, Генуя (бер фараз буенча) — 1506, 20 май, Вальядолид, Испания) — испан диңгезчесе һәм сәяхәтчесе. 1492 елда Европа колонизаторлары өчен Американы «ачу» белән танылган.

Колумб рәсми рәвештә беренче булып Атлантик океанны корабта кичә һәм европалылар арасында беренче булып Кариб диңгезедә була. Ул Багама архипелагының үзәк өлешен тәшкил иткән барлык Зур Антиль утрауларын ача. Шулай ук Кече Антиль утрауларының да бер өлешен (Доминик утравыннан алып Виргиния утрауларына кадәр), Тринидадны һәм Кариб диңгезендәге күпсанлы вак утрауларны ачуга ирешә.

Колумб Америка ярларына барлыгы 4 сәяхәт кыла:

• Беренче сәяхәт (3 август, 1492 — 15 март, 1493).
• Икенче сәяхәт (25 сентябрь, 1493 — 11 июнь, 1496).
• Өченче сәяхәт (30 май, 1498 — 25 ноябрь 1500).
• Дүртенче сәяхәт (9 май, 1502  — ноябрь, 1504).