Шарлотта Перелли

13 яшендә Ховманторптагы бию коллективына килгән. Мәктәпне тәмамлаганнан соң, Векшёга күчеп килә, һәм анда сәнгатьнең башкару төрләре мәктәбендә укый. Ул шулай ук «Kendix» төркеме ялгыз башкаручы-солисты була. Соңрак «Anders Engbergs» төркемендә җырлый, әммә ике альбом чыгарганнан соң, коллективтан китә, «Wizex» ансамбленә кушыла. 1998 елда «Mot nya mål» альбомы өчен төркем швед музыкаль премиясе номинанты була, ә «Tusen och en natt» альбомы өчен «алтын» ала. 1997-1998 елларда Шарлотта шулай ук «Vita lögner» («Белая ложь») дигән швед сериалында 20 эпизодта төшә^[3].

1999 елда «Melodifestivalen» һәм соңыннан Иерусалимда «Take Me to Your Heaven» җыры белән «Евровидение 1999» җыр конкурсында җиңгән. «Евровидение» конкурсында җиңгәннән соң, Шарлотта (ул чакта әле Нильссон) танылу ала. Ул бөтен Аурупа һәм Урта Көнчыгыш буйлап чыгыш ясый, шулай ук үзенең «Charlotte» (1999) дип аталган альбомын чыгара.

2001 елда үзенең эченә «You Got Me Going Crazy» дигән уңышлы сингл керткән икенче «Miss Jealousy» альбомын чыгара. 2003 елда Шарлотта Евровидениега сайлауның Швед ярымфиналы алып баручысы була. Шул ук елның апрелендә ул «Иисус Христос — суперйолдыз» дигән швед постановкасында катнаша. Сентябрьдә «Broken Heart» синглы чыга, 2004 елның июнендә «Gone Too Long» дигән өченче альбомы дөнья күрә.

Уңышлы дебюттан соң аны "Евровидение 2004"кә тулысынча бөтен милли сайлап алуны үткәрергә чакыралар, ә TV4 телеканалы аны үзенең шоуын оештырырга чакыра. Ул балалар өчен «Super Troupers» дигән музыкаль тапшыру оештыра.

2007 елның маенда Шарлотта «Евровидение 2007» конкурсында катнашучыларын бәяләүдә Швеция эксперт сыйфатында «Nordic Preview Show»да катнаша. Моңа кадәр ул 2005 елда эксперт комиссиясе составында булган.

15 мартта, Белградка «Евровидение 2008» җыр конкурсына бару хокукына ия булып, "Мелодифестивален"дә икенче җиңү яулый. 14 мартта «Hero» җырына промоклип төшерелә, ә аннары яңа җырны хуплаучы промотур үтә. Конкурста ул җиңү фаворитларының берсе булса да^[4], бары тик 47 балл җыеп, 18 нче урын гына били. Шул ук вакытта яңа «Hero» альбомы Швеция чартларында өченче урынны яулый^[5].

"Евровидение"нан соң, җырчы композитор Роберт Уэлс белән «Rhapsody in Rock» шоуында катнаша, соңрак ул Пекин шәһәрендә узган Җәйге Олимпия уеннарында чыгыш ясый. Кытайда шулай ук аның «Hero» альбомы чыга.

Көз дәвамында Шарлотта 10 ноябрдә дөнья күргән «Rimfrostjul» дигән раштуа альбомы өстендә эшли. Ул шулай ук берничә шоуда чыгыш ясый, шул исәптән — «Sommarkrysset», «Victoriadagen» and «Nationaldagen» шоуларында. 31 октябрдә ул «Idol 2008» шоуына арадашчы сыйфатында чакырыла. Ноябрдә һәм декабрдә ул Швецияда раштуа концертларында үзенең яңа альбомында чыккан җырлары белән чыгыш ясый. 2009 ел башында ул Минск һәм Пекин калаларына гастрольләр оештыра. 2009 елның февралендә Мартин Стенмарк белән бергә «Мелодифестивален-2009»ның 3-нче ярымфиналында сюжеты буенча конкурсның бүләк итеп бирелергә тиешле статуэткасын урлый, имеш, дип төшерелгән «En ny tid» («Новая эра») клибында күренә.

2009 елның июлендә җырчы 2010 елда үзенең яңа альбомын чыгару планы турында игълан итә.