Әлфинур Галиәкбәрова

1965 елның 18 апрелендә Татарстан АССР Буа шәһәрендә туган. Казан дәүләт финанс-икътисад институтын (2011 елдан Казан (Идел буе) федераль университеты составында) «сәнәгатьне планлаштыру» белгечлеге буенча тәмамлаган (1986).

1986—1989 елларда — Казан дәүләт университетында эшли: укытучы-стажер, икътисад кафедрасы өлкән лаборанты.

1989—1995 елларда — Волгоград физик тәрбия институтының Яр Чаллы филиалы укытучысы.

1995—1999 елларда — Яр Чаллы шәһәре мэриясендә: бүлек мөдире, икътисад буенча вице-мэр.

1999—2011 елларда — ТР финанс министрлыгының казначылык департаменты Яр Чаллы территориаль бүлеге (рус. НабережночелнинскоеТО ДК МФ РТ) башлыгы.

2011—2018 елларда — Яр Чаллы шәһәр башкарма комитеты җитәкчесе урынбасары — финанс идарәсе башлыгы.

2018 елның 13 февраленнән — Яр Чаллы дәүләт педагогика университеты ректоры.

• «Казанның меңьеллыгы хөрмәтенә» медале (2005);
• Татарстанның атказанган икътисадчысы (2005);
• «Фидакарь хезмәт өчен» медале (2015) ― финанс-икътисадый эшчәнлектәге казанышлары, күпьеллык нәтиҗәле хезмәте өчен^[1];
• «Татарстан Республикасы алдындагы казанышлар өчен» орден медале (2025)^[2].

Ире Сирень Галиәкбәров, Чаллы ФСБ идарәсе хезмәт башлыгы^[3].