Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Өмүрбек Бабанов

РУВИКИ проектының татар бүлегендә Бабанов фамилияле башка кешеләр турында да мәкаләләр бар

Өмүрбек Токтогул улы Бабанов (кырг. Өмүрбек Токтогулович Бабанов; 1970 елның 20 мае, Чымгент авылы, Киров районы, Кыргыз ССР, ССРБ) — Кыргыз сәяси һәм дәүләт эшлеклесе. «Республика» парламент фракциясе һәм сәяси партиясенең элеккеге лидеры.

Кыргызстан Республикасының 17 нче Премьер-министры (2011—2012)

Тәрҗемәи хәле

1993 елда Тимирязев исемендәге Мәскәү авыл хуҗалыгы академиясен тәмамлый. 2005 елда Россия Федерациясе хөкүмәте каршындагы халык хуҗалыгы академиясен (Финанс менеджменты югары мәктәбе), 2009 елда Кыргызстан дәүләт юридик академиясен тәмамлый.

Хакимият структураларына килгәнче бизнес белән шөгыльләнгән. Дәүләт капиталы катнашында мамык экспортлау, шулай ук республикага нефть продуктлары белән тәэмин итү белән шөгыльләнүче берничә эре фирманы җитәкләгән. 2005 елда «тюльпан» революциясеннән соң Кыргызстан парламенты депутаты итеп сайлана.

Хөкүмәттә эшчәнлек

2007 елда президент Корманбәк Бакиевның отставкага китүен таләп иткән оппозиция составына кушыла. Революциядән соң һәм Бакиевның илдән йөгерүеннән соң, беренче вице-премьер вазыйфасында, Алмазбәк Атамбаев хөкүмәте составына керә. Атамбаевны президент итеп сайлаганнан соң, 2011 елның октябрендә Хөкүмәт башлыгы вазыйфаларын башкара башлый[1]. Парламент күпчелеге коалициясе таркалганнан соң, 2012 елның 1 сентябрендә отставкага китә[2].

2010 елның июнендә «Республика» партиясенә нигез сала[3]. Октябрьдә узган сайлауларда партия сайлаучыларның 13% тавышын ала һәм дүртенче урынны алып, Кыргызстан парламентына керә[4].

2014 елның 20 октябрендә «Республика» һәм «Ата-Журт» партияләренең чираттан тыш республика съезды уздырыла, анда делегатлар күпчелек тавыш белән «Республика-Ата Журт» яңа сәяси көч булдыру өчен чыгыш ясыйлар[5]. Өмүрбек Бабанов Камчыбек Ташиев белән беррәттән яңа партия рәистәше була.

2015 елның җәендә партия Кыргызстан Республикасының Жогорку Кеңешка сайлауларга актив әзерләнә башлый. 2015 елның октябреннән 2017 елның ноябренә кадәр — Кыргызстан Республикасы Жогорку Кеңеш депутаты, «Республика-Ата Журт» парламент фракциясе лидеры.

Президент сайлаулары

2017 елның 16 августында Кыргызыстан Үзәк сайлау комиссиясе Өмүрбек Бабановны 2017 елның 15 октябрендә узгачак сайлауларда Кыргызстан Президенты постына кандидат итеп теркәгән[6]. Бабанов беренче турда ук үзенең төп көндәше Суранбай Җиянбәковка оттырып, икенче урынны ала[7].

2017 елның 30 декабрендә Бабанов депутат вәкаләтләренең туктатылуы һәм сәясәттән китүе турында белдергән[8].

Шәхси тормыш

Өйләнгән. Хатыны — Рита Бабанова. Дүрт баласы бар (өч кызы һәм бер улы)[9].

Кыргызстанның иң бай кешесе (1,5 млрд АКШ доллары) булып тора[10][11]. Өмурбек Бабанов Facebook социаль челтәрендә рәсми рәвештә расланган беренче кыргызстанлы була[12].

Искәрмәләр

  1. ↑ Countries JK
  2. ↑ Премьер Киргизии О. Бабанов ушел в отставку., РБК. 15 февраль 2017 тикшерелде. архив күчермәсе, Archived from the original on 2018-12-21, retrieved 2021-07-27 
  3. ↑ African-Kyrgyz Kickboxer Making Run for Kyrgyzstan’s Parliament
  4. ↑ "Выборы депутатов Жогорку Кенеша Кыргызской Республики (Russian)". Shailoo. Мөрәҗәгать итү датасы: 14 октябрь 2010. Архивировано 2 июль 2012 года.
  5. ↑ Бабанов и Ташиев объединили силы в партии "Республика Ата-Журт".
  6. ↑ ЦИК: Омурбек Бабанов зарегистрирован кандидатом на должность президента (рус.). Информационное Агентство Кабар. Мөрәҗәгать итү датасы: 15 октябрь 2017.
  7. ↑ Анна Капушенко. ЦИК объявил Жээнбекова победителем президентских выборов [неопр.]. KLOOP.KG - Новости Кыргызстана (30 октябрь 2017). Мөрәҗәгать итү датасы: 4 март 2021.
  8. ↑ Омурбек Бабанов заявил, что уходит из политики и отказывается от мандата
  9. ↑ У Бабанова родилась дочка » Общество » Gezitter.org - Чтобы понимали... www.gezitter.org. Мөрәҗәгать итү датасы: 15 февраль 2017. Архивировано 15 февраль 2017 года.
  10. ↑ Топ 10 | Самые богатые люди Кыргызстана на 2016 год
  11. ↑ Архивированная копия. Мөрәҗәгать итү датасы: 15 октябрь 2017. Архивировано из оригинала 15 октябрь 2017 года.
  12. ↑ Facebook верифицировал страницу Омурбека Бабанова. (үле сылтама)

Сылтамалар

Тема буенча өстәмә

Төркемнәр