Айрат Гаскәров

1963 елның 5 октябрендә Башкортстан АССР Чишмә районы үзәге Чишмә бистәсендә туган. «Икътисадчы» белгечлеге буенча Бөтенсоюз читтән торып укулы финанс-икътисад институтының финанслар һәм кредит бүлеген (1989), РФ фәннәр академиясенең икътисад институтын тәмамлаган, шул ук институтта 2007 елда «Целевые программы как инструмент обеспечения финансово-экономической устойчивости субъекта Российской Федерации» темасына икътисад фәннәре кандидатлыгына диссертация яклаган^[2]. 1981-1983 елларда хәрби хезмәттә булган.

• 1981 елдан БАССР финанс министрлыгында икътисадчы.
• 1983-1991 елларда БАССР финанс министрлыгында ревизор-инспектор, өлкән ревизор-инспектор, министрлык идарәсе аппаратының финанслау бүлеге башлыгы урынбасары.
• 1991 елда РСФСР коммунистлар фиркасенең Башкортстан рескомы инструкторы.
• 1991-1995 елларда БАГСУ план-финанс бүлеге башлыгы, финанс директоры.
• 1995-2000 елларда БР финанс министры урынбасары.
• 2000-2002 елларда РФ Пенсия фондының Башкортстан буенча бүлеге идарәчесе.
• 2002-2010 елларда БР премьер-министрының урынбасары (2008 елдан — беренче урынбасары) — БР финанс министры.
• 2010-2011 елларда РФ Федераль җыенының Федерация шурасы әгъзасы — РФ Федераль җыенының Федерация шурасында БР дәүләт хакимиятенең башкарма органыннан вәкил.
• 2011 елның мартыннан РФ Саклык банкының вице-президенты.
• 2012 елның 17 декабреннән «Уралсиб банкы» ААҖ беренче вице-президенты, 2013 елның 11 мартыннан банкның идарә рәисе урынбасары, 2015 елның 18 апреленнән (Илкки Салонен урынына) банкның идарә рәисе в. б.^[3].
• 2016 елдан РФ финанс министры ярдәмчесе^[4].

• БР атказанган икътисадчысы