Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Айрат Гатиятов

РУВИКИ проектының татар бүлегендә Гатиятов фамилияле башка кешеләр турында да мәкаләләр бар

Айрат Гатиятов, Айрат Ринат улы Гатиятов (1989 елның 18 марты, СССР, РСФСР, ТАССР, Казан) ― 2021 елның июнь аеннан Россия Федерациясе фән һәм югары белем министры урынбасары. 3нче класслы гамәлдәге дәүләт киңәшчесе.[1]

Тәрҗемәи хәле

1989 елның 18 мартында Казанда туган. Казанда татар гимназиясен[2], 2011 елда «Персонал белән идарә итү, менеджер» белгечлеге буенча Казан дәүләт финанс-икътисад институтын (2011 елдан КФУ составында), 2017 елда «төзелеш» юнәлеше буенча Казан дәүләт архитектура-төзелеш университеты магистратурасын тәмамлаган.[3]

Хезмәт юлы

2009-2010 елларда ― ТР Президенты каршындагы Дәүләт һәм муниципаль идарә академиясе (хәзер ябылган) студентлар советы рәисе, Татарстанның Студентлар футбол лигасына нигез салучы (Тимур Сөләйманов белән берлектә [3]).[4]

2011-2012 елларда ― Казанда 2013 елгы Универсиада Башкарма дирекциясендә әйдәп баручы белгеч.

2011-2015 елларда ― Татарстан Республикасы төзелеш, архитектура һәм торак-коммуналь хуҗалык министры (Ирек Фәйзуллин) ярдәмчесе.[4]

2015-2019 елларда ― Татарстан Республикасы төзелеш, архитектура һәм торак-коммуналь хуҗалык министрлыгының дәүләт, максатчан һәм тармак программаларын формалаштыру идарәсе башлыгы, аннары Татарстан Республикасы төзелеш, архитектура һәм торак-коммуналь хуҗалык министры урынбасары.[4]

2019-2020 елларда ― Россия Федерациясенең фән һәм югары белем министрлыгының мөлкәт комплексын һәм бюджет инвестицияләрен үстерү департаменты директоры.[5]

2020-2021 елларда ― Россия Федерациясенең фән һәм югары белем министрлыгының бюджет инвестицияләре департаменты директоры.[6]

2021 елның 30 июненнән ― Россия Федерациясе Фән һәм югары белем министры урынбасары.[7]

Бүләкләре, мактаулы исемнәре

  • Татарстан Республикасы Министрлар Кабинетының Рәхмәт хаты
  • Россия Федерациясе Президенты Рәхмәте
  • истәлекле медальләр (2013, 2014, 2015)

Гаилә хәле

Өйләнгән, ике улы бар.[8]

Искәрмәләр

  1. ↑ Владимир Путин Айрат Гатиятовка өченче класслы дәүләт киңәшчесе исемен бирде. Татар-информ, 4.01.2012
  2. ↑ Айрат Гатиятов, Мәскәү. Безнекеләр башкалаларда. 2023 елның 5 гыйнвар көнендә архивланган. — «Татарстан», 02.11.2021
  3. ↑ 1 2 Замглавы минобразования РФ назначен выходец из Татарстана Айрат Гатиятов. Бизнес-Онлайн, 30.06.2021 [рус.]
  4. ↑ 1 2 3 Гатиятов Айрат Ринатович. 2023 елның 5 гыйнвар көнендә архивланган. Министерство строительства, архитектуры и ЖКХ Республики Татарстан
  5. ↑ Гатиятов Айрат Ринатович. tadviser.ru
  6. ↑ Гатиятов Айрат Ринатович. 2022 елның 27 сентябрь көнендә архивланган. Министерство науки и высшего образования Российской Федерации
  7. ↑ Распоряжение Правительства Российской Федерации № 1761–р. Телеграмма: Контакт @minobrnaukiofficial
  8. ↑ Гатиятов Айрат Ринатович. minobrnauki.gov.ru [рус.]

Сылтамалар

Төркемнәр