Владимир Смирнов

Владимир Смирнов
Владимир Смирнов
Туган көне	29 май (10 июнь) 1887
Туган	Санкт-Петербург, Россия империясе;
Вафат көне	11 февраль 1974 (86 яшь)
Вафат булган җире	Санкт-Петербург, РСФСР, СССР;
Ил	Россия империясе; СССР;
Эшчәнлеге	галим, университет профессоры, статистик, математик
Бүләк һәм премияләр	; ; ;

РУВИКИ проектының татар бүлегендә Смирнов фамилияле башка кешеләр дә бар.

Владимир Иванович Смирнов (1887 елның 29 мае (10 июне), Санкт-Петербург, Россия империясе — 1974 елның 11 феврале, Ленинград, ССРБ) — Россия һәм совет математигы, ССРБ Фәннәр академиясе академигы. Социалистик Хезмәт Герое. Икенче дәрәҗә Сталин премиясе лауреаты.

Тәрҗемәи хәле

Владимир Смирнов лицей чиркәве протоиерее, 1870—1900 елларда Александров лицеенда Алла Хокукын һәм гражданлык хокукын укыткан Иоанн Николаевич Смирновның гаиләсендә туган. Күпмедер вакыт Санкт-Петербургның икенче гимназиясендә укый. 1907—1909 елларда Санкт-Петербург университеты студенты буларак, Беренче Санкт-Петербург классик гимназиясендә физика укыта. Университетны 1910 елда тәмамлый, 1915 елда профессор була һәм университетта укытучы эшчәнлеген гомер азагына кадәр дәвам итә. 1912—1930 елларда Петербург (Ленинград) элемтә юллары инженерлары институты профессоры була, 1929—1935 елларда ССРБ Фәннәр академиясенең Сейсмология һәм Математика институтларында эшли. Бөек Ватан сугышы елларында, эвакуациядә булганда, Ленинград университетының Алабуга филиалында аэродинамик төркем оештыра, төркем аның җитәкчелегендә оборона тематикасы буенча берничә эш башкара. ЛДУның математика-механика һәм физика факультетларында укыта. 1931 елда ЛДУның әнни өлеш буенча Фәнни-тикшеренү математика һәм механика институты директорының урынбасары, ә 1937—1952 елларда бу институтның директоры була.

Владимир Смирновның төп хезмәтләре комплекслы алмаш функцияләр теориясенә багышланган: күп мәгънәле аналитик функцияләрне униформалаштыру, фукс төркемнәрен һәм фукс функцияләрен тикшерү, күпбуын системаның тулылыгын тикшерү, турыдан-туры ябык контурдагы ортогональларны тикшерү, аналитик функцияләрнең чик әһәмиятләренә бәйле мәсьәләләрне тикшерү. Кайбер тикшеренүләрдә (С. Л. Соболев белән бергә) Владимир Смирнов яссы чикле сыгылмалы мохиттә дулкыннарның таралу теориясенең кайбер бурычларын хәл итүнең яңа методын эшләгән^[3]. Эллиптик типтагы сызыкча тигезләүләрнең теләсә нинди алмаш саны булган функциональ-инвариант чишелешләрен өйрәнә.

Популяр «Югары математика курсы» авторы (Т. 1-5, 1924—1947), 1948 елда аның өчен икенче дәрәҗә Сталин премиясенә лаек була. В. И. Смирновның күренекле укучылары: Г. М. Голузин, И. А. Лаппо-Данилевский, С. Л. Соболев.

Владимир Смирнов 1974 елның 11 февралендә Ленинградта вафат була. Комар зиратына җирләнгән.

Гаилә[үзгәртү | вики-текстны үзгәртү]

Хатыны — Е. П. Охлопкова, математик. Улы — Никита Владимирович Смирнов, ЛДУның Математика һәм механика фәнни-тикшеренү институты хезмәткәре, аннары А. А. Жданов исемендәге ЛДУ физик факультетының югары математика һәм математик физика кафедрасы доценты булып эшли. Оныгы —Владимир Никитич Смирнов, ЛДУ физик факультетының исәпләү физика кафедрасында эшли.

Бүләкләр

Социалистик Хезмәт Герое (1967);
дүрт Ленин ордены (30.05.1947; 19.09.1953; 15.09.1961; 09.06.1967);
ике Кызыл Байрак Хезмәт ордены (21.02.1944, 10.06.1945);
Икенче дәрәҗә Сталин премиясе (1948) — 5 томлык «Югары математика курсы» фәнни хезмәте өчен (1947).

1932 елдан ССРБ Фәннәр академиясе әгъза-корреспонденты, физика-математика фәннәре докторы, 1936 елдан, академик.

Хәтер

Академик В. И. Смирнов исеме СПбДУның математика һәм механика фәнни-тикшеренү институты, шулай ук СПбДУ физик факультеты аудиторияләренә бирелә.
В. И. Смирнов исемендәге математика физикасы буенча семинар (РФА В. А. Стеклов исемендәге Математика институтының Санкт-Петербург бүлеге).

Искәрмәләр

↑ ¹ ² ³ Смирнов Владимир Иванович (математик) // Большая советская энциклопедия (рус.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ Мактьютор матиматика тарихы әрхибе
↑ Смирнов Владимир Иванович

Сылтамалар

«Ил геройлары» халыкара патриотик интернет-проектында Смирнов, Владимир Иванович

РФА рәсми сайтында Владимир Иванович Смирнов профиле
Смирнов Владимир Иванович. Math-Net.Ru мәгълүмат системасында басмалары
Владимир Иванович Смирнов. Пантеон петербургских математиков на сайте Санкт-Петербургского математического общества.
Кутателадзе С. C. Смирнов и Александров — просветители из Петербурга

[_96601866da94c7ff-1] ¹ ² ³ Смирнов Владимир Иванович (математик) // Большая советская энциклопедия (рус.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[_faeeb1b82c0d8a54-2] Мактьютор матиматика тарихы әрхибе

[3] Смирнов Владимир Иванович

[1]

[2]

[3]