Дүсселдорф

Дюссельдорф шәһәре Алманиянең иң зур елгасы булган Рейнның түбән агымында, уң ярында утыра.

Дюссельдорф исеме тарихи чыганакларда беренче тапкыр 1135 елда атала, шәһәр тарихы 1288 елдан башлана.

Рейн-Рур һәм Европа икътисади регионнары үзәгендә урнашкан бу шәһәр Берлин, Майнадагы Франкфурт, Мюнхен һәм Гамбург белән беррәттән Германиянең иң эре икътисади, транспорт, мәдәни һәм сәяси үзәкләрнең беренче бишлегенә керә. Анда күп кенә эре компанияләрнең штаб-фатирлары, шул исәптән E. ON һәм Henkel Group урнашкан. Шәһәр аэропорты халыкара хаб булып тора. Дюссельдорфта ике порт, шулай ук күпсанлы югары уку йортлары, аерым алганда, Дюссельдорф сәнгать академиясе һәм Генрих Гейне университеты урнашкан^[24][25].

2005 елда шәһәрдә 573 449 кеше яшәгән, ә 2011 ел ахырына шәһәрдә 592 393 кеше теркәлгән. 2009 елдан Дюссельдорф — зурлыгы буенча Германиянең җиденче һәм Төньяк Рейн-Вестфалиянең саны буенча икенче шәһәре. Ул Дортмунд һәм Эссенны узып, Кельннән генә калыша. 2030 елга шәһәр халкы 645 600 кешегә кадәр артыр фаразлана^[26].

Дюссельдорфның төп милләте булып, шәһәр халкының 82,38% ын тәшкил иткән немецлар тора. Төрек (2,37 %), юнан (1,60 %), итальян (1,10 %), япон (0,85 %) һәм БДБ илләреннән чыккан кешеләр (1,50%) иң зур милли азчылыклардан санала (2011 елның 31 декабренә). Шунысын да билгеләп үтәргә кирәк, бу мәгълүматлар Германия гражданлыгы затларны исәпкә алмый (бигрәк тә бу төрек һәм урыс телле диаспора вәкилләренә кагыла)^[27].