Елена Левченко
Елена Степановна Левченко (белар. Алена Сцяпанаўна Леўчанка; 1983 елның 30 апреле, Гомель, Беларус ССР, ССРБ) — хатын-кызлар милли баскетбол ассоциациясендә чыгыш ясаган Беларусия профессиональ баскетболчысы. Үзәк позициядә уйный. 2021 елның гыйнвар ахырында Грециянең «Панатинаикос» командасы белән контрактка кул куя[1].
Тәрҗемәи хәле
1983 елның 30 апрелендә Гомельдә туа. Гомельнең 9 нчы балалар-яшүсмерләр спорт мәктәбендә баскетбол белән шөгыльләнә башлаган, спортчының беренче тренеры Виктор Орлов була. Соңрак Минск олимпия резервы республика училищесына күчә. Европа чемпионатында 1999 елда беренче тапкыр катнаша. 2000 елда АКШка укырга күчә, анда Көнбатыш Виргиния штатында колледжны тәмамлый, АКШта чыгыш ясаган беренче Беларусия спортчысы була.
18 августта Беларусь Республикасы спорт тармагы вәкилләренең 2020 елның 9 августында узган Беларусь Республикасы Президентын сайлаулар дөрес түгел дип тану таләбе белән ачык хатка кул куя[2].
2020 елның 30 сентябрендә санкцияләнмәгән массакүләм чараларда катнашкан өчен спортчы 15 тәүлеккә кулга алынган. Гаепне «Instagram»дагы фото һәм ««Прессбол» сайтындагы яңалыклар буенча ачыклаганнар. Суд залында Еленаны яклаучы 25 тән артык кеше була, күбесенчә спортчылар.
15 тәүлектән төрмәдән соң Елена иреккә чыга[3].
Елена сүзләренә караганда, төрмәдә утырганда, аңа һәм аның яшьтәшләренә психологик басым ясау максатыннан, төрмә кагыйдәләре җитди бозылган (җылыту, кайнар су, матраслар һәм душ белән файдалану мөмкинлеге булмау)[4].
2021 елның гыйнвар ахырында Грециянең «Панатинаикос» командасы белән контрактка кул куя[5].
Казанышлар
- Бөтендөнья яшүсмерләр уеннарының дүртенче урыны (Мәскәү): 1998
- Балтия лигасы чемпионы (иң файдалы баскетболчы дип таныла): 2000
- KODAK версиясе буенча АКШ колледжларының иң яхшы уенчылары унлыгына керә: 2002
- KODAK версиясе буенча АКШ колледжларының иң яхшы уенчылары унлыгына керә: 2003
- Литва Чемпионы: 2007
- Россия Чемпионы: 2009, 2012
- Россия Кубогы иясе: 2009, 2012
- Евролиганың бакыр призеры: 2008, 2009, 2012
- Россия Кубогының көмеш призеры: 2008
- Россия чемпионатының бакыр призеры: 2008
- Европа чемпионатының бакыр призеры: 2007
- WNBA финалисты: 2010
- Польша чемпионы (финалның MVP дип таныла): 2011
- Евролиганың барлык йолдызлары матчында катнашучы: 2011
- Дөнья чемпионатының иң яхшы үзәге: 2010
Милли җыелма команда
Баскетбол буенча Беларусия җыелма командасы өчен 2001 елдан чыгыш ясый. 2008 һәм 2016 елларда Олимпия уеннарында, Чехиядә узган дөнья чемпионатында, шулай ук 2007, 2009, 2011, 2013 һәм 2015 елгы Европа чемпионатларында катнашучы.
Искәрмәләр
- ↑ Елена Левченко подписала контракт с греческим «Панатинаикосом». СпортНавины (31 гыйнвар 2021).
- ↑ «Требуем признать выборы недействительными». Более 900 спортсменов и работников отрасли подписались под открытым письмом с требованиями к власти 2020 елның 20 август көнендә архивланган.
- ↑ На новом суде баскетболистке Елене Левченко дали штраф, она вышла с Окрестина (рус.). sport.tut.by (15 октябрь 2020). Мөрәҗәгать итү датасы: 22 октябрь 2020. Архивировано 17 октябрь 2020 года.
- ↑ Александра Сивцова. «Сделали из хлеба фигурки для шашек и играли» Баскетболистка сборной Беларуси Елена Левченко отсидела 15 суток в минском изоляторе на Окрестина, где силовики особенно жестоки. [неопр.]. meduza.io (29 октябрь 2020).
- ↑ Левченко подписала контракт с греческим «Панатинаикосом» (31.01.2021).
Сылтамалар
- Профиль на официальном сайте БК УГМК
- Официальный сайт Елены Левченко
- YouTube сайтында Елена Левченко рассказала о пребывании на Окрестина // Onliner Belarus. 15 октября 2020.
- YouTube сайтында ЛЕВЧЕНКО — про пытки на Окрестина / Без матраса, горячей воды и канализации / Протесты в Беларуси // Жизнь-малина. 29 октября 2020.
