Николай Загоскин

Николай Загоскин (Николай Павел улы Загоскин, 20 июль (1 август) 1851 — 6 февраль 1912 (юлиан тәкъвим)) — тарихчы, хокук белгече, дәүләт хокукы докторы (1879), профессор (1888), хакыйкый дәүләт киңәшчесе (1902).^[2] 1875 елдан Казан университетында, 1906-1909 елларда аның ректоры. «Волжский вестник» гәҗитенең нәшире һәм мөхәррире (1883-1890). 1911 елдан Казан югары хатын-кызлар курслары дириктыры. 1911-1912 елларда РИ Дәүләт шурасы әгъзасы. Рус хокукы назариясенә, Казан университеты тарихына, төбәкне өйрәнүгә караган фәнни хезмәтләр авторы.