Рамил Тураев

1956 елның 26 мартында Татарстан АССР Әгерҗе районы Рыс авылында туган. Ике югары белем алган: «стоматология» белгечлеге буенча Казан дәүләт медицина институтын (1984), «икътисадчы-оештыручы» белгечлеге буенча Казан дәүләт авыл хуҗалыгы академиясен (1997) тәмамлый. Медицина фәннәре кандидатлыгына диссертация яклый (1998). 1976-1978 елларда хәрби хезмәт үтә.

• 1974—1976 Алабуга районы хастаханәсендә санитар-фельдшер.
• 1979—1983 Казанда ашыгыч ярдәм станциясендә фельдшер булып эшли.
• 1984—1986 Чуашстан сәламәтлек саклау министрлыгының республика стоматология дәваханәсендә табиб-стоматолог.
• 1986—1988 Казан дәүләт медицина институтында ортопедик стоматология буенча ординатура үтә.
• 1988—1992 Казанда 2- санлы РКБ да теш табибы булып эшли.
• 1992—1995 Казан шәhәре сәламәтлек саклау идарәсе башлыгының гомуми мәсьәләләр буенча урынбасары.
• 1995—1999 Территориаль хастаханә кассасы (ТБК) генераль директоры.
• 1999—2005 Казан шәhәре сәламәтлек саклау идарәсе башлыгының беренче урынбасары — ТБК генераль директоры.
• 2005—2006 «1- санлы ТР мәҗбүри медицина иминияте фонды» учреждениесенең Казан шәhәре буенча директоры.
• 2006—2007 Казанның «Ашыгыч медицина ярдәме станциясе» баш табибы.
• 2007—2008 Амур өлкәсенең сәламәтлек саклау министры.
• 2008—2009 Амур дәүләт медицина академиясе доценты.
• 2010—2011 ТР сәламәтлек саклау министрлыгының республика кан күчерү станциясе баш табибы урынбасары.
• 2011 елдан ТР сәламәтлек саклау министрлыгының республика кан күчерү станциясе баш табибы^[1]

«Общественное здоровье и здравоохранение» журналында кан күчерү турында язылган мәкаләләре нәшер ителә^[2].

• Татарстан Республикасының атказанган табибы (2000);
• «Сәламәтлек саклауны hәм җәмәгать туклануын оештыру» белгечлеге буенча югары квалификацияле категориягә ия;
• «Татарстан Республикасы алдындагы казанышлар өчен» орден медале (2026) — халык сәламәтлеген саклау эшенә керткән өлеше һәм күпьеллык нәтиҗәле хезмәте өчен^[5].