Ревьера (аквапарк)
«Ривьера» аквапаркы (рус. Аквапарк «Ревьера»)— Татарстан Республикасының Казан шәһәрендә, шул ук исемдәге кунакханә-күңел ачу комплексы территориясендә урнашкан төбәктәге иң зур ябык аквапарк. 2007 елның 30 августында ачыла. Җиһазларны проектлау һәм төзү белән Британиянең WhiteWater Leisure компаниясе шөгыльләнә[1]. Комплекс 8 гектарга якын мәйданны били һәм 50 дән артык аттракционны, бассейннарны, су тауларын, төрле яшьтәге кунаклар өчен ял итү һәм күңел ачу зоналарын үз эченә ала. Аквапарктагы суның күләме ― 2 000 м³[2]. Аквапаркның ачык зонасы 900 м² ка якын, ә ябык зонасы — 1500 м² тәшкил итә. Аквапаркның көнлек үткәрү мөмкинлеге — 3500 кеше[3].
Тарих
Комплекс төзелеше 2000 еллар азагында башлана һәм 2007 елның 30 августында, Республика көнендә, тәмамлана. Атамасы Италиянең курортлары, пляжлары һәм матур пейзажлары белән билгеле төньяк яр буйларының тарихи исеме белән ассоциацияләнә[4].
2010 елда Forbes журналы «Ривьера» кунакханә комплексына керә торган аквапаркны Россиянең иң эре аквапаркы дип атый[1].
2011 елда аквапарк Golden Pony Awards бүләгенә ия була[4].
Бүген аквапарк Татарстанның иң эре туристлык объектларының берсе булып тора, шәһәрнең туристлык инфраструктурасын үстерүгә һәм, гаилә ялы һәм күңел ачу урыны буларак, Казанның җәлеп итүчәнлеген арттыруга ярдәм итә.
Аттракционнар һәм хезмәт күрсәтү
Аквапаркта 50 дән артык аттракцион ял итү зоналары бар[2]:
Спа- комплекс
Спа зонасында фин сауналары, төрек хамамы, салкын сулы кисмәк, джакузи каралган.
Таулар
«Ривьера»ның популяр аттракционнары арасында озынлыгы 211 м булган «Ниагара» экстрим тавы, «Бермудский спуск» (113 м), бусагалы һәм текә «Анаконда» (озынлыгы — 108 м); «Камикадзе», «Мертвая петля» һәм «Черная дыра», «Круговорот», «Лавина», «Водопад», «Каньон» таулары бар.
Аквазонаның зур өлешен Амазонка елгасы алып тора, ул мәгарәләр һәм тау куышлары белән бизәлгән.
Бассейннар
«Парадайс» бассейны ачык һава астында урнашкан, су +28 °C ка кадәр җылытылганга, ел әйләнәсе эшли.
Дулкынлы бассейн. Һәр 25 минут саен монда метр ярымлы дулкынлар барлыкка килә.
Җәйге зона
Бассейннар, таулар, шезлонглар белән ачык пространство. Монда аквазонадан чыгарга, кызынырга һәм кире аттракционнарга кайтырга мөмкин.
Балалар зонасы
Кечкенә балалар өчен тирән булмаган бассейннар, сөзәк куркынычсыз таулар һәм уеннар һәм күңел ачу өчен әкияти атмосфера булдырылган.
- Сары тау— «Русалочка» мультфильмы персонажлары белән бизәлгән. Балалар бассейнда инструкторлар күзәтүе астында. Чикләүләр: яшь — 12 гә кадәр, буй — 140 см га кадәр, авырлык — 50 кг га кадәр.
- Мадагаскар— таулар, бассейн, өйләр белән тулыландырылган уен комплексы. Чикләүләр: яшь — 12 яшькә кадәр, буй — 120 см га кадәр, авырлык — 90 кг га кадәр.
- Пиратский форт— су пушкалары, баскычлары, асылмалы күпер һәм пират корабы булган күңел ачу комплексы. Чикләүләр: яшь — 12 яшькә кадәр, авырлык — 90 килограммга кадәр.
Искәрмәләр
- ↑ 1 2 Георгий Алпатов. 9 самых примечательных аквапарков планеты (рус.). www.forbes.ru (16 ноябрь 2010). Мөрәҗәгать итү датасы: 22 июль 2025.
- ↑ 1 2 Аквапарк «Ривьера» (рус.). kazanriviera.ru. Мөрәҗәгать итү датасы: 22 июль 2025.
- ↑ Почему стоит приехать именно в аквапарк Ривьера? (рус.) (1 гыйнвар 2017). Мөрәҗәгать итү датасы: 22 июль 2025.
- ↑ 1 2 Аквапарк «Ривьера» в Казани (рус.). tonkosti.ru. Мөрәҗәгать итү датасы: 22 июль 2025.
Сылтамалар
- «Ривьера» кунакханә-күңел ачу комплексының рәсми сайты (рус.). kazanriviera.ru (29 март 2024). Мөрәҗәгать итү датасы: 22 июль 2025.
- Аквапарк «Ривьера» (рус.). VK Видео (29 март 2024). Мөрәҗәгать итү датасы: 22 июль 2025.
- Аквапарк Ривьера Казань (рус.). akvapark-kazan.ru. Мөрәҗәгать итү датасы: 22 июль 2025.
