Рус телендәге версияПартнёрлык проектларыМахсус проектлар
Күренешне көйләүТелне алыштыру
РУВИКИ ТУРЫНДА

Руслан Риманас

Руслан Риманас (29 август 1998, Казан) — Россия клоуны, режиссер, мультижанр артисты, ««MOÑ» театр мәйданчыгы һәм «Демидов особнягы» (Особняк Демидова) театраль резиденциясе актёры, кино актёры[1]. Һөнәри кредосы: «Кемнәндер көлергә түгел, кем беләндер бергә көлергә»[2].

Тормыш юлы

1998 елның 29 августында Казан шәһәрендә сәнгатькәрләр гаиләсендә туа[3]. Алты яшеннән башлап Казан хореография училищесында балет белән шөгыльләнә. Укуханәдә укыганда алган арка травмасы сәбәпле, балет карьерасын калдырырга мәҗбүр була һәм театр юнәлешен сайлый[3].

2018 елда Казан театр училищесын тәмамлый. Көчен клоунадада сынап карарга аңа Татарстанның пантомима мастеры Рөстәм Мулланур улы Фәткуллин этәргеч бирә[4].

Иҗаты

Руслан Риманас Слава Полунинның «сНЕЖНОЕ шоу» проекты составында һәм соло программалары белән Россиянең дистәләгән шәһәрләрендә гастрольләрдә була. Франциядә Джанго Эдвардсның Яңа клоунада институтының «Тилеләр Бакчасы» («Сад Дураков») проектын һәм Слава Полунинның «Юләрләр академиясе»н тәмамлый. Франциядәге «Желтая Мельница» иҗат лабораториясендә «Как дураки», «Осенний фестиваль» кебек карнавалларда катнаша[1].

Казанда «MOÑ» театр мәйданчыгында һәм «Демидов особнягы» резиденциясендә актёр буларак эшчәнлек алып бара. Кинода дебюты режиссёр Игорь Волошинның «Коса» (2021) сериалында була, анда ул төп герой Ивлевның улы Илья ролен башкара[5].

Артист Казанда жанрлар кисешендәге спектакльләрне үстерүгә һәм урам театры юнәлешен популярлаштыруга зур өлеш кертә. Урам тамашалары турында ул болай ди:

« Урамда артист өчен тамашачының игътибарын саклап калу катлаулы бурыч булып тора, моның өчен син әйләнә-тирә белән гармониядә хәрәкәт итәргә тиеш... »

Спектакльләре һәм проектлары

Артист — «Жизнь Н…», «Абау» (татар клоунадасы), «pandeMIA CIRCUS», «УхПухи», «В поисках Зиланта», «АкваБэлла», «Приключения Луи и Реми» кебек тамашаларның идея авторы һәм башкаручысы[1].

  • 2022 елда Бөтенрәсәй «БалагурЛаб» фестивален оештыру өчен Президент грантын ота[4].
  • 2025 елның маенда Казандагы Актёрлар йортында «Мастерская клоуна» дигән белем бирү проектын оештыра[6].
  • 2025 елның июлендә Казан Кремлендә узган «Ожившие легенды и сказания» фестивалендә куратор буларак катнаша һәм «Сундук абики» моноспектаклен тәкъдим итә[7].
  • 2025 елның декабрендә К. Тинчурин исемендәге театр сәхнәсендә Антуан де Сент-Экзюпери әсәре буенча «Кечкенә Мирза» спектакленең премьерасы уза (режиссёры — Руслан Риманас)[8].

Искәрмәләр

  1. ↑ 1 2 3 Регина Яфарова. Руслан Риманас: «Если в обычной жизни назовут клоуном, отвечу — так и есть». Миллиард.Татар (3 ноябрь 2024). Мөрәҗәгать итү датасы: 11 июнь 2026.
  2. ↑ «Жду с нетерпением нашей новой встречи»: знаменитый клоун из Казани станет участником фестиваля «Чир Чайаан». Шанс онлайн (5 июнь 2023). Мөрәҗәгать итү датасы: 11 июнь 2026.
  3. ↑ 1 2 Юлия Калинина. Риманас по жизни: Клоун, гедонист и дурак. Казанский журнал (17 февраль 2022). Мөрәҗәгать итү датасы: 11 июнь 2026.
  4. ↑ 1 2 Ольга Юхновская. Руслан Риманас: «Когда клоун говорит «Ну ты дурак дураком», он вас хвалит!» Вечерняя Казань (1 апрель 2024). Мөрәҗәгать итү датасы: 11 июнь 2026.
  5. ↑ Сериал Коса (2021) — актеры и роли. Кино-Театр.Ру. Мөрәҗәгать итү датасы: 11 июнь 2026.
  6. ↑ Казанский клоун и артист Руслан Риманас запустил просветительский проект «Мастерская клоуна». Инде (5 май 2025). Мөрәҗәгать итү датасы: 11 июнь 2026.
  7. ↑ Ксения Монастырская. «На улице все по-честному»: Кто пришел на театральный фестиваль в Кремле. Enter (12 июль 2025). Мөрәҗәгать итү датасы: 11 июнь 2026.
  8. ↑ Регина Яфарова. «Маленький Мирза» и большие взрослые: в Тинчурина премьера спектакля по Экзюпери от Руслана Риманаса. Миллиард.Татар (22 декабрь 2025). Мөрәҗәгать итү датасы: 11 июнь 2026.

Сылтамалар

Төркемнәр