Рөстәм Туйкин

1948 елның 17 мартында БАССР Бөре шәһәрендә туган. 1713 елгы ихтилал башлыгы Туйкә батыр нәселеннән. Атасы ягыннан бабасы Фазыл Туйкин – язучы, музыкант. Уфада дәүләт университетын (1971), аспирантураны (1975) тәмамлаган, кандидатлык диссертациясе яклаган (1986).^[1]

• 1975-1987 Уфада дәүләт университетын да гомуми тарих кафедрасында укытучы.
• 1987-1998 Куйбышев шәһәрендә тимер юл транспорты инженерлары институтында фирка тарихы һәм сәяси икътисад кафедрасы доценты, 1990 кафедра мөдире.
• 1998 елдан Уфа Көнчыгыш икътисад, һуманитар фәннәр, идарә һәм хокук институтының (хәзер ВЭГУ академиясе) Самардагы филиалы директоры.^[2]

Хәзерге көндә ВЭГУ академиясе юридик институты профессоры.

• Институтның Самардагы филиалын оештыру буенча эш.
• «Белем» җәмгыятенең иң яхшы 5 лекторы исемлегенә керә.

• Алманиядә фашизмга каршы хәрәкәт проблемалары турында 50 фәнни хезмәт.
• Югары мәктәп пробемалары буенча фәнни мәкаләләр.
• Дәүләтнеке булмаган югары уку йортлары проблемалары турында фәнни мәкаләләр.

• Хәрби фәннәр академиясенең алтын тамгасы (2005).
• Хәрби фәннәр академиясе мөхбир-әгъзасы.
• Педагогика һәм социаль фәннәр академиясе мөхбир-әгъзасы.

Ындырҗа — Тулунгуҗа — Туктагул — Туйкә — Сәет — Мостафа — Габделлатыйф — Әхмәткәрим — Фазыл — Булгыр: аның ике улы Рөстәм һәм Руслан, ике кызы Алсу һәм Гуля.^[3]