Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Фәрит Галимов (төзүче)

Бу терминның башка аңлатмалары да бар, аларны карау өчен Галимов битенә күчегез.

Фәрит Хәбибрахман улы Галимов (рус. Галимов Фарид Хәбибрахманович, каз. Fari'd Habi'brahmanuly G'ali'mov, 11 декабрь 1940, Кызылъяр) — Казакстанның дәүләт һәм җәмәгать эшлеклесе. Казакъстанның атказанган эшлеклесе.

Тормыш юлы

1940 елның 11 декабрендә Петропавловск шәһәрендә туган.

1968 елда С. М. Киров исемендәге Урал политехника институтын «инженер-төзүче» белгечлеге буенча тәмамлый.

1982 елда ССРБ Халык хуҗалыгы академиясе каршындагы Халык хуҗалыгы белән идарә итү институтын (хәзерге — РАНХиГС) тәмамлый.

«Базар икътисады шартларында капиталь төзелеш белән идарә итүне оештыру» («Организация управления капитальным строительством в условиях рыночной экономики») (1992) китабы һәм профильле матбугаттагы берничә басма авторы булып тора.

Хезмәт юлы

  • 1959-1960 елларда — «Төзелеш материаллары» тресты тимер-бетон заводында слесарь-җыючы, бетончы.
  • 1960-1975 елларда — «Петропавловскстрой» тресты төзелеш-монтаж идарәсендә буяучы, мастер, прораб, җитештерү-техник бүлек башлыгы, баш инженер, идарә башлыгы.
  • 1975-1990 елларда — «Күкчәтаустрой» җитештерү-төзелеш берләшмәсендә баш инженер, трест идарәчесе, берләшмә башлыгы.
  • 1990 Казакъстан ССР дәүләт төзелеш комитеты (рус. Госстрой КазССР) рәисе[1]
  • 1991-1993 елларда — «Казакстанстрой» дәүләт-акционерлык ширкәте президенты.
  • 1993-1996 елларда — Казакстан Республикасы төзелеш, торак һәм җирлекләр корылышы министрының урынбасары, соңрак беренче урынбасары.
  • 1996-1998 елларда — Казакстан Республикасының югары һәм үзәк хакимияте оешмаларын Акмолага күчерү буенча дәүләт комиссиясе рәисе.
  • 1998-2002 елларда — Акмола (1998 елның маеннан Астана) шәһәре мэрының (каз. аким) беренче урынбасары.
  • 2002-2008 елларда — Казакстан Республикасы парламенты сенаторы: сенатта икътисадый һәм региональ сәясәт комитеы әгъзасы.
  • 2009 елдан «Казакстан тимер юлы» (каз. Қазақстан темир жолы) милли компаниясе АҖ президенты киңәшчесе.

Депутатлык эшчәнлеге

  • 1999–2004 елларда — II чакырылыш Казакстан Республикасы Парламенты Сенаты депутаты.
  • 2004–2007 елларда — III чакырылыш Парламент Сенаты депутаты.
  • 2007–2012 елларда — IV чакырылыш Парламент Сенаты депутаты[2].

Бүләкләре һәм исемнәре

  • 1986 — «Почет Билгесе» ордены (СССР);
  • 2005 — Көрмәт ордены[3];
  • 2016 — II дәрәҗә Барыс ордены[4];
  • «Казакстанның атказанган эшлеклесе» исеме;
  • «Казакстан Республикасының Мактаулы төзүчесе» исеме;
  • Астана шәһәренең Мактаулы гражданины (2007 елның 10 декабре);
  • Акмола өлкәсенең Мактаулы гражданины (2010 елның 10 декабре);
  • Казакстан Республикасы Парламенты Сенатының Мактау грамотасы (2008);
  • Казакстан-Россия университетының мактаулы профессоры.

Юбилей медальләре:

  • «Казакстан Республикасы бәйсезлегенә 10 ел» медале (2001);
  • «Казакстан Республикасы Конституциясенә 10 ел» медале (2005);
  • «Казакстан Республикасы Парламентына 10 ел» медале (2005);
  • «Астанага 10 ел» медале (2008);
  • «Казакстан Республикасы бәйсезлегенә 20 ел» медале (2011);
  • «Казакстан Республикасы бәйсезлегенә 25 ел» медале (2016);
  • «Астанага 20 ел» медале (2018).

Гаиләсе, шәхси тормышы

Хатыны — Галимова (Камалетдинова) Элла Мәсгут кызы.

Балалары — уллары Әдил (1967 елгы) һәм Наил (1969 елгы); кызы (Сәйдә, 1974 елгы).

Казакъ, рус, татар телләрен белә[5].

Искәрмәләр

  1. ↑ «Вечерняя Астана», 24.11.2012, archived from the original on 2016-03-05, retrieved 2015-11-06 
  2. ↑ Депутаты Сената, награждённые государственными наградами. parlam.kz. Мөрәҗәгать итү датасы: 12 март 2026.
  3. ↑ В канун Дня независимости Нурсултан Назарбаев подписал Указ о награждении госнаградами группы граждан республики за заслуги перед Отечеством, активную общественную деятельность, значительный вклад в социально-экономическое и культурное развитие страны, укрепление дружбы и сотрудничества между народами 26 декабря 2005 года. Мөрәҗәгать итү датасы: 25 декабрь 2018.
  4. ↑ Нурсултан Назарбаев вручил казахстанцам государственные награды (Обновлено) 14 декабря 2016 года орденом «Барыс» ІІ степени советник президента АО "НК «Қазақстан темір жолы» Галимов Ф.Х. Мөрәҗәгать итү датасы: 25 декабрь 2018.
  5. ↑ Информационная система «Параграф». Галимов Фарит Хабибрахманович (персональная справка). prg.kz (26 декабрь 2021). Мөрәҗәгать итү датасы: 12 март 2026.

Төркемнәр