Җәүдәт Мостаев
Җәүдәт Әхәт улы Мостаев (баш. Йәүҙәт Әхәт улы Мостаев; рус. Явдат Ахатович Муста́ев; 3 сентябрь 1920, Стәрлетамак, Стәрлетамак өязе, Уфа губернасы, Россия империясе — 18 сентябрь 1999, Уфа, Башкортстан, Россия) — Совет тау инженеры. Техник фәннәр докторы (1984). Башкорт АССРның атказанган нефтьчесе (1974), СССРның мактаулы нефтьчесе (1980). Совет-фин һәм Бөек Ватан сугышларында катнашучы.
Тормыш юлы
Җәүдәт Әхәт улы Мостаев 1920 елның 3 сентябрендә Башкорт АССР-ның Стәрлетамак шәһәрендә туа.
Совет-фин һәм Бөек Ватан сугышларында катнаша, 53 укчылар дивизиясенең 565 аерым элемтә ротасы бүлекчәсе белән җитәкчелек итә[1].
1951 елда Уфа нефть институтын тәмамлый.
1951 елдан «Ишембайнефть» нефть промыселы идарәсендә өлкән инженер, аннары промыселлар мөдире вазыйфасында эшли. Шулай ук Ишембай нефть техникумында укыта[2].
1960–1990 елларда БашНИПИнефть предприятиесе хезмәткәре була:
- 1960 елдан — өлкән инженер;
- 1965 елдан — лаборатория мөдире;
- 1983 елдан — сектор мөдире;
- 1986 елдан — баш фәнни хезмәткәр.
1999 елның 18 сентябрендә Уфада вафат була.
Фәнни эшчәнлеге
Мостаевның фәнни-җитештерү эшчәнлеге катламнарның нефть бирүчәнлеген арттыруның термик методларын эшләү һәм гамәлгә кертү, шулай ук аларны Арлан һәм Ишембай нефть ятмалыкларында куллануның нәтиҗәлелеген өйрәнү белән бәйле. Ул 100-гә якын фәнни хезмәт һәм бер уйлап табу авторы[2].
Басылган фәнни хезмәтләре
- Мустаев Я. А. Электропрогрев призабойной зоны пласта скважин. — Уфа, 1965.
- Мустаев Я. А. Применение тепловых методов в добыче нефти. — Уфа: Башкнигоиздат, 1967. — 94 с.[3]
- Мустаев Я. А., Бикбаев И. М., Кубагушев Н. Г., Филончев А. И. Временное руководство по ускоренной методике гидродинамических исследований скважин. — Уфа: БашНИПИнефть, 1973. — 18 с.
Бүләкләре һәм мактаулы исемнәре
- Дан орденының III дәрәҗәсе (1944 елның 31 августы)[4];
- Ватан сугышы орденының I дәрәҗәсе (1944 елның 24 декабре);
- Ватан сугышы орденының II дәрәҗәсе (1985 елның 6 апреле);
- «Батырлык өчен» медале (1943 елның 5 ноябре);
- «Хезмәт ветераны» медале (1985)[5];
- Башкорт АССРның атказанган нефтьчесе (1974);
- СССР нефть сәнәгате отличнигы (1978);
- СССРның мактаулы нефтьчесе (1980).
Искәрмәләр
- ↑ Мустаев Явдат Ахатович, Орден Славы III степени :: Документ о награде. Подвиг народа. Мөрәҗәгать итү датасы: 24 февраль 2017. Архивировано 14 апрель 2010 года.
- ↑ 1 2 Мустаев Явдат Ахатович. Башкирская энциклопедия. Мөрәҗәгать итү датасы: 1 гыйнвар 2024.
- ↑ Применение тепловых методов в добыче нефти. Российская государственная библиотека. Мөрәҗәгать итү датасы: 11 май 2014. Архивировано 3 февраль 2015 года.
- ↑ Документ о награждении. Подвиг народа.
- ↑ Указ Президиума ВС Башкирской АССР от 24.04.1985 «О награждении медалью «Ветеран труда» трудящихся Советского района города Уфы»
Сылтамалар
- Гарасюта Т. П. Мустаев, Явдат Ахатович // Башкирская энциклопедия. Том 4. — М.: Научное изд-во «Башкирская энциклопедия», 2008. — С. 300. — 607 с.
- Мустаев Явдат Ахатович. Онлайн-версия Башкирской энциклопедии. Мөрәҗәгать итү датасы: 19 февраль 2026.