Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Әминә Шәфыйкова

РУВИКИ проектының татар бүлегендә Шәфыйкова фамилияле башка кешеләр турында да мәкаләләр бар

Шәфыйкова Әминә Ивний кызы[1] (24 март 1974, Ыргызлы, Башкорт Автономияле Совет Социалистик Республикасы) — башкорт дәүләт эшлеклесе, пианиночы, Башкортстан Республикасының мәдәният министры (2012)[2]. Башкортстанның атказанган артисты (2002), Шәехзада Бабич исемендәге яшьләр премиясе лауреаты (2005).

Тәрҗемәи хәле

Әминә Шәфыйкова 1974 елның 24 мартында Башкорт АССРның Бөрҗән районы, Ыргызлы авылында туа. Урта махсус музыка мәктәбен һәм Заһир Исмәгыйлев исемендәге Уфа дәүләт сәнгать институтын (профессор Н. Г. Хәмидуллина классы) тәмамлый.

1997—1999 елларда Татарстанга килеп, Казан дәүләт консерваториясендә (хәзер Нәҗип Җиһанов исемендәге Казан дәүләт консерваториясе (академия)) ассистентура-стажировка үтә[3].

2004 елның сентябреннән 2008 елның октябренә кадәр — Башкортстан Республикасы Хөкүмәте Аппаратының мәдәният, спорт, массакүләм мәгълүмат чаралары, милли һәм яшьләр сәясәте бүлегенең баш консультанты.

2008—2010 елларда — Заһир Исмәгыйлев исемендәге Уфа сәнгать академиясенең өстәмә белем бирү буенча проректоры.

2010—2012 елларда — Заһир Исмәгыйлев исемендәге Уфа сәнгать академиясе ректоры.

2012 елның 5 октябреннән — Башкортстан Республикасының мәдәният министры.

2022 елда Мәҗит Гафури исемендәге Башкорт драма театрында Гүзәл Яхина романы буенча куелган «Зөләйха күзләрен ача» спектаклен күрсәтү туктатыла. Моның сәбәбе «махсус хәрби операцияне хөкем итүче авторның әсәре театрда куелу, һич югында, әхлакый яктан гаделсез һәм намуссыз булыр иде» дип аңлатыла[4][5][6].

Тоткарлануы

2026 елның 18 февралендә хокук саклау органнары министрны, ведомство карамагындагы учреждениеләрнең дәүләт сатып алулары белән бәйле эш буенча, тоткарлый. Алдан алынган мәгълүматлар буенча, ул вазифаи вәкаләтләрен арттыруда шикләнелә. Хокук саклау органнарыннан әлегә рәсми раслау юк, министрлык шәрехләүдән тыела[7][8].

Тоткарлау мәдәният өлкәсендәге коррупция җәнҗаллары нигезендә бара. Моңа кадәр бюджет акчаларын урлауда гаепләнүче югары вазифаи затлар, Башкорт филармониясенең генераль директоры Алмаз Сәетов, оркестрның сәнгать җитәкчесе Артур Нәзиуллин һәм Мәдәни программалар дирекциясе башлыгы Гөлнара Юрина, кулга алына. Тикшерүчеләр министрлыкның дәүләт контрактларын бәйгеләрсез төзегәндәге кагыйдә бозуларга мөмкин булган бәйләнешен тикшерә[9].

Бүләкләре һәм мактаулы исемнәре

  • Россия Федерациясе Президентының Рәхмәте — эшендәге казанышлары, актив иҗтимагый эшчәнлеге һәм күпьеллык намуслы хезмәте өчен[10];
  • Шәехзада Бабич исемендәге яшьләр премиясе лауреаты (2005);
  • «Пианелло валь тидон» халыкара бәйге дипломанты (Италия, 2004);
  • «Өмет, талантлар, осталар» халыкара бәйгесенең II дәрәҗә премия лауреаты (Добрич, Болгария, 2003);
  • Башкортстан Республикасының атказанган артисты (2002);
  • «Музыкаль де Франс» халыкара бәйгесенең II премия лауреаты (Париж, 1996);
  • Нариман Сабитов исемендәге I конкурсның II премия лауреаты (Уфа, 1995);
  • «Мәдәният һәм сәнгатьтәге казанышлар өчен» медале (РФ; 2022) ― илебез мәдәнияте һәм сәнгате үсешенә зур өлеш керткәне һәм күпьеллык нәтиҗәле эшчәнлеге өчен[11][12].

Искәрмәләр

  1. ↑ Алсу Ниуриманова. Әминә Шәфыйкова — мәдәният министры. Кызыл Таң, 29.10.2019
  2. ↑ Правительство Республики Башкортостан. Официальный сайт. / Правительство / Сотрудники. Шафикова Амина Ивниевна 2017 елның 10 сентябрь көнендә архивланган. [рус.] [Тикшерелгән 15 декабрь 2017]
  3. ↑ Портал «Республика Башкортостан» Главная \ Справочники \ Персоны Шафикова Амина Ивниевна 2021 елның 10 апрель көнендә архивланган. [рус.] [Тикшерелгән 15 декабрь 2017]
  4. ↑ Андрей Бирюков. «Как мы можем выступать под ее флагом?»: министр культуры Башкирии — об отмене спектакля по роману Яхиной. UFA1.ru (14 ноябрь 2022). Мөрәҗәгать итү датасы: 14 ноябрь 2022.
  5. ↑ Влада Шипилова. Театралам закрывают глаза. Башдрамтеатр снял спектакль по роману Гузель Яхиной. Коммерсантъ (14 ноябрь 2022). Мөрәҗәгать итү датасы: 23 сентябрь 2025.
  6. ↑ Нурия Фатхуллина, Галия Ягудина. «Национальные республики любят бежать впереди паровоза»: за что «Зулейхе» в Уфе закрыли глаза? Бизнес Online (14 ноябрь 2022). Мөрәҗәгать итү датасы: 23 сентябрь 2025.
  7. ↑ Задержана министр культуры Башкирии Амина Шафикова (рус.). КоммерсантЪ (18 февраль 2026). Мөрәҗәгать итү датасы: 18 февраль 2026.
  8. ↑ ТАСС: министра культуры Башкирии Амину Шафикову задержали (рус.). ТАСС (18 февраль 2026). Мөрәҗәгать итү датасы: 18 февраль 2026.
  9. ↑ В Башкирии задержали министра культуры республики Амину Шафикову (18.02.2026). 18 февраль 2026 тикшерелде.
  10. ↑ Владимир Путин объявил благодарность министру культуры Башкирии Амине Шафиковой – UfacityNews.ru. ufacitynews.ru. Мөрәҗәгать итү датасы: 21 гыйнвар 2016.
  11. ↑ Указ Президента Российской Федерации от 19 октября 2022 года № 758 «О награждении государственными наградами Российской Федерации»
  12. ↑ Ләйлә Аралбаева. Владимир Путин Әминә Шафиҡованы «Мәҙәниәттә һәм сәнғәттәге хеҙмәте өсөн» миҙалы менән наградланы. «Башинформ» МА, 20.10.2022 [башк.]

Сылтамалар

Төркемнәр